मूक चेलाकू 16:34 - Korwa Bible

³⁴ हनते हाँयग अगुरा होड़ हँकिन आँयग ओड़ाःरेय गोःतेडकिनखन जोम लगाय एमेवातेडकिना। हाँय आँयग ओड़ाःरिकुःआ जमा होड़कू सुदा भगवान एचेरेकू बिसवासतेरा। हनालगा हाँय अरू आँयगराः ओड़ाःरिकुःआ जमा होड़कूराः जीव मुरुक बहालयान।

मूक चेलाकू 16:34 Referans Kwoze

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

पिलेमोन 1:7

ने ईंगरीग मसी बोहोयिंग, आम भगवानरिकुःआ सुद होड़कूम दुलारता अरू हँकुःआ होड़कूराः जीव मुरुकमे एचे हड़ियड़गोतेडकुःआ। हनाते आम ईंगराः जीवमे बहालगोतेडा अरू ईंगराः जीवमे सलसतगोतेडा।

रूमी 5:11

ननानाः एकला कोवान, ईसू मसी अबू भगवान सुदाय एचे हेल-मेलगोतेडबुःआ। हनालगा अबू भगवान एचेरेबू भल-भलायगुःता।

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

पिलिपी 4:17

ईंग बदीरे अपे अहापे ओंगोलगे, नाँय तोनोंगाः संघरा पवाः लगाय चहाःतना, माःआन। मनदो ईंग चहाःतना, अपे ईंगपे संघरावातेरा, हनाते भगवान अपे इमाने एमेवापे।

पिलिपी 4:4

अपे परबू एचेरे जमा बेला बहालतेपे दोहोन! अरूयिंग कतायतना, अपे बनाहालतेपे दोहोन!

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

मूक चेलाकू 11:14

हाँय अपे मीटोंग सरवने कता उदुःवापेता अरू आम अरू आम ओड़ाःरिकुःआ जमा होड़कू सडाव जुवाःता।

मूक चेलाकू 8:39

हँकिन दाः अतेकिन उडुंगनेन दो हननमेला भगवानराः सुद बिरुवा पिलिप रेम गोःयाड दो, मरंग हातपात होड़ हाँय मेरेय ञेलगडीग। मनदो हाँय सेना हनानाः दूर अगी मुरुक बहालनेनखन तोराय।

लूका 19:6

हनते जकई ओहेन सींग दूब अते उतरावकियानखन बहालते ईसू अनँयग ओड़ाःरेय गोःयाडीग।

लूका 15:32

मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”

लूका 5:29

अरू लेवी अनँयग ओड़ाःरे मुरुक होड़कू जोम लगाय सरबहातेरा। अरू हँकिन सुदा मुरुक बगरा मलगुजारी गोः होड़कू अरू एटाः एटाः होड़कू हों हंडा जोजोम लगाकू दुड़ुःनेना।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 16:35

निंदावा फड़ियावदारकू हाँयग अगुरा होड़ एचेरे पुलीसकूतेनते नाःआ हुकुम कतातेडखनकू वारतेडकुःआ, हँकुःआ होड़कूम अड़ाःगोडकू, माःआन।