मूक चेलाकू 16:22 - Korwa Bible

²² सहररिकुःआ होड़कू हों पउलूस अरू सिलास बदीरेकू जुमावनेना, दो हना सहररिकुःआ फड़ियावदार होड़कू हँकिनराः सोनहे एचे तोलेगकेडखन बोंगते ञेडकिन लगाकू हुकुमतेरा।

मूक चेलाकू 16:22 Referans Kwoze

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

2 कुरिंती 6:5

होड़कू अले गुरुंदतेकू ञेडतेडलेःआ अरू जेहेलरेकू सींगतेडलेःआ अरू अले बदीरेकू हलो-गदोड़िःआ। अले मुरुकले मिहनइतगेःआ अरू तोनोंग रइतरे बेगर अपीगते अरू रंगेगतेले दोहोना।

इबरानी 11:36

हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।

1 पतरस 2:24

हाँय अनँयग देहरे अबूराः कसूरे लदाव गोःतेडखन कुरूसरेय गोएगनेना, जेमहा कसूर बदीरे गोएगतोबू दोहोन, अरू भगवानराः ओंगोल इया नपाय जीवबू जियाव अवेन। हाँयराः घाँवकूनते अबूराः जमा बरानाः बेमरियाकून नपाययना।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मूक चेलाकू 16:37

मनदो पउलूस कतातेरा, “अलिंग रूमी देसरिकिनाः थनहिया होड़किन हवे अरू बेगर नपाय फड़ियावते हँकू जमा होड़कू मड़ंगरे अलिंगकू ञेडतेडखन जेहेलरेकू एचे सींगतेडलिंग। दो नुँहू कलेकाल वेगकियानखन एचे अड़ाःलिंग लगाकू ओंगलेतना जा? बुरी, नाःआ इया कोवान। हँकू अँननकू अँकू नंडा वेगकियानखनकू एचे उडुंगलिंग।”

मूक चेलाकू 5:40

दो हना कतारे मरंग पंचाइतरिकुःआ जमा होड़कू रायनेना। हनते हँकू मूक चेलाकू राःतेडखन गुरुंदतेकू एचे ञेडतेडकुःआ। हनते हँकू ईसूराः ञावते तोनोंगीग एचेरे अहाकू कताय लगा सेतावतेडकूखनकू अड़ाःगोतेडकू।

मती ओजाःतेरा भगवानराः नपाय सरवन 27:26

हनते पिलातूस हँकू लगा बराबाय अड़ाःगोतेडीग। मनदो हाँय ईसूय एचे ञेडतेरा अरू कुरूसरे ठोंकाव गोजेय लगाय जिमागोतेडीग।

मती ओजाःतेरा भगवानराः नपाय सरवन 10:17

अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

लूका 12:11

एटाः होड़कू अपे साब गोःकेडपेखन अरजी ओड़ाःरे अरू अदालइत ओड़ाःरे अरू नेताकू मड़ंगरेकू एचे चड़ाँपे दो, हनमेला अलोपे ओंगोल दोहोगे, माररे अबू चेले माःआनबू कतायता, माःआन।