मूक चेलाकू 16:19 - Korwa Bible

¹⁹ हाँयग बेगारीनरिकुःआ मालिककू सुदीगोतेड अबूराः ढिबुवा अदेरगेराः असरा चलाः एंडानतना, माःआन। दो हँकू पउलूस अरू सिलास साबतेडखन बजार अगी हना सहररिकुःआ हातपात होड़कू एचेरेकू ओर गोःयाडकिन।

मूक चेलाकू 16:19 Referans Kwoze

मूक चेलाकू 21:30

सहररिकुःआ मुरुक बगरा होड़कू मिनीरेकू जुमावनेना अरू बतकाव वेगवाडखन पउलूसकू साबतेरा अरू हँकू भगवानराः ओड़ाः अते पउलूसकू ओर उडुंगतिरिया। हननमेला भगवान ओड़ाःराः दुवारकूनकू सींगगोतेड।

मूक चेलाकू 17:6

मनदो हँकू हँकिन मेरकू ञामगाडकिन दो आसोन अरू एटाः बिसवासी होड़कू हना सहररिकुःआ हातपात होड़कू एचेरेकू ओर अगूतेडकुःआ। अरू हँकू खिररी घड़ीनकू कताया, जमा चउंदीसरिकुःआ होड़कू हना नाःआ अगीकू एचे हड़ाःकूतना हँकुःआ होड़कू नंडा होंकू वेगकिया।

2 कुरिंती 6:5

होड़कू अले गुरुंदतेकू ञेडतेडलेःआ अरू जेहेलरेकू सींगतेडलेःआ अरू अले बदीरेकू हलो-गदोड़िःआ। अले मुरुकले मिहनइतगेःआ अरू तोनोंग रइतरे बेगर अपीगते अरू रंगेगतेले दोहोना।

मूक चेलाकू 16:16

दो एनेटाः दिन अले अरजी ततेर अगी सेन मेला, मी होड़ बेगारीन सुदाले जुमावनेना। हाँय एचेरे मीटोंग भूत दोहोना अरू हाँयग भूतते हाँय दरवाःआ हना कताकूने कता उदुःआ। नाःआ अते आँयगरिकुःआ मालिककू लगा मुरुक ढिबुवाय अदेरतेरा।

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

मूक चेलाकू 15:26

नँकुःआ होड़कू परबू ईसू मसी लगा अँनकूराः जीव हों एमेय लगा सपड़ावतो इदानकुःआ।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 9:16

हाँय ईंग लगा तुमिन कटसिया सहावगे लगा इदा हना हाँय ईंग उदुःवायतिंग।”

मरकूस 13:9

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

मती ओजाःतेरा भगवानराः नपाय सरवन 24:9

हनते होड़कू अपे संतावपे लगा अरू ञेड एंडापे लगाकू जिमापेता। जमा जइतरिकुःआ होड़कू ईंगराः ञाव अते अपेकू हिनइस-बिनइसवापेता।

एकूब 2:6

अपे गरीब होड़कूराः जीवपे एचे बेग-हताकेरा। मनदो गिरहत होड़कू ना लवे जा अपेकू सिकिसतापेता अरू कोट कछेरीरेकू गोः इदीपेता?

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

1 तिमुतियूस 6:10

ढिबुवाराः ललचीरेय दोहोनता हाँयग होड़, जमा इयाःआ बेलूर बुताकूने एचेगोड ञवनता। नाःआ अते मुरुक होड़कू बिसवासकू अड़ाःगोतेडा अरू हँकूराः जीवरे एटाः एटाः इयाःआ सिकिसता होयायना।

मूक चेलाकू 15:40

मनदो पउलूस सिलासे सुनावतेरा, अरू बिसवासी होड़कू परबू हँकिने संभाड़किन लगाकू अरजीतेरा अरूकू वारगोतेडकिन।

मूक चेलाकू 16:20

दो हँकू हँकिन रूमी देसरिकुःआ फड़ियावदारकू एचेरेकू गोःतेडकिना अरू बदीतेडकिनखनकू कताया, “नँकिनाः होड़किन एहूदा होड़किन हवे अरू अबूराः सहररिकुःआ होड़कू तलारे कड़ीगकिन रेमतना।

मूक चेलाकू 16:25

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः।

मूक चेलाकू 16:29

दो जेहेलरीग अगुरा होड़ मरसल अगूगे लगाय कतातेरा अरू बतकाव वेगवाडखन पउलूस अरू सिलास मड़ंगरे कलपाः घड़ीने उकुड़ोमनेना।

पिलिपी 1:30

ईंगके परावनेना हना कटसियापे ञेलतेरा अरू नुँहू हों ईंग सेने पारतना हनानाः कटसियाराः बदीरेपे अयुमेतना। अरू अपे हों हनानाः कटसियातेपे सेने पारतना।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।