मूक चेलाकू 16:14 - Korwa Bible

¹⁴ हँकुःआ अइमीकू अते मी होड़राः ञाव दोहोना लिदिया। हाँय मुरुक किमइतराः धुः-धुमइल रांगराः सोनहेकूनराः फेरवइत होड़े दोहोना। हाँय थायतिरा सहररीग होड़े दोहोना अरू भगवान जाग घड़ीने सेवातेरा। पउलूस कतातेरा भगवानराः हना नपाय सरवन बिसवासगे लगा परबू भगवान हाँयग लिदियाए एचे मनेवातेरा।

मूक चेलाकू 16:14 Referans Kwoze

लूका 24:45

भगवानराः कागदरे ओजाःतो इदा हना जमा कता ईसू हँकूय एचे सुदीगोतेडकुःआ।

उदुःतो कताकून 3:20

ञेलपे, ईंग अपेराः इंदरीराः दुवाररे चड़ाँकियानखनिंग टोकोःगोड ञवनता। तोनोंगीग ईंगराः अरो अयूमकेडखन दुवारे गीग, दो ईंग हाँय एचेरे बोलोकियानखन हाँय सुदालिंग जोम ञूयता।

रूमी 9:16

होड़कूराः ओंगोल इया सहे हँकू सेसा-दूराता हना अते भगवान तोनोंगीग होड़ मेरेय मयावायता, मनदो हाँय अनँयग ओंगोलते होड़कूय मयावायता।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

मूक चेलाकू 11:21

भगवान हँकू सुदाय दोहोना अरू बेगर एहूदाकू मुरुक होड़कू कसूर अते जीव कुदातेडखन परबू ईसू एचेरेकू बिसवासतेरा।

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,

मूक चेलाकू 18:7

हनते पउलूस अरजी ओड़ाः अते तीतियूस एसतूस ञावीग बेगर एहूदा होड़राः ओड़ाः तोराय। हाँयराः ओड़ाः अरजी ओड़ाः कुटीरे दोहोना अरू हाँय बेगर एहूदा होड़े दोहोना हों भगवान जाग घड़ीने सेवाःआ।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

मूक चेलाकू 10:2

हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ।

मूक चेलाकू 8:27

दो हाँय सपड़ावनेनखन तोराय, अरू सेनेन दूररे कूस देसरीग रानी कंदकीरीग मरंग हातपात होड़े ञेलतेरा। हाँय चकुराय दोहोना अरू हना राइजराः ढिबुवाकूनरीग जिमेवारी होड़े दोहोना। हाँयग होड़ एरुसलेम सहररे भगवान ओड़ाःरे भगवान जाग घड़ीन सेवा लगाय सेनेडा।

एहुना 12:20

पसहा परोबरे भगवान जाग लगाकू वेगनेना, हँकुःआ होड़कू अते अदोम बेगर एहूदाकू दोहोना।

मूक चेलाकू 13:43

तयोमरे अदोम एहूदाकू अरू भगवानकू मान मरजइतता हँकुःआ बेगर एहूदाकू, एहूदा धरमरेकू बोलोनेना हँकुःआ होड़कू पउलूस अरू बरनाबासराः तयोम तयोमकू ओतोंग वेगा। दो हँकिन हँकू सुदाकिन बड़रानेन अरू कता-बहालतेडकूखनकिन कतातेड, “भगवान अपेय मयावारा, हनालगा हाँय एचेरेपे बिसवासगोड ञवन।”

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 16:40

हनते पउलूस अरू सिलास जेहेल अतेकिन उडुंगनेन तयोमरे हँकिन लिदियाराः ओड़ाःरे तोराकिन। हंडा हँकिन बिसवासी होड़कू सुदाकिन जुमावनेना अरू हँकूकिन कता-बहालतेडखन हना सहर अते तोराकिन।