मूक चेलाकू 16:1 - Korwa Bible

¹ पउलूस अरू सिलास दिरबे सहररेकिन सोदोरनेन अरू हनाते लुसतरा सहररेकिन सेनेडा। हंडा तिमुतियूस ञावीग मी होड़ ईसूरीग चेला दोहोना। हाँयरीग एंगात ईसू एचेरेय बिसवासगेःआ मी होड़ एहूदा अइमी दोहोना अरू हाँयरीग अपात बेगर एहूदा होड़े दोहोना।

मूक चेलाकू 16:1 Referans Kwoze

2 तिमुतियूस 1:5

आम ईसू मसी एचेरे बेगर गारबारतेम बिसवासकेरा हनायिंग उहियारतना। हनन इया आमरीग जियाम लोइस अरू आमरीग एंगाम ऊनिस हों बिसवासतेरा। अरू ईंग सुसुदीतनायिंग आम हों हना इयाम बिसवासगेतना।

2 तिमुतियूस 1:2

ईंगरीग दुलार बेटा, आम लगा नाःआ चिठीयिंग ओओजाःतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

1 तिमुतियूस 1:2

बिसवास बदीरे ईंग बेटा इया इदानमेःआ आम लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।

2 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना।

कुलूसी 1:1

ने अजी बोपोहकूतिंग, ईंग पउलूस भगवानराः हिछा इया ईसू मसीरीग मूक चेला हवे। अरू अबूरीग बिसवास बोहोबू तिमुतियूस सुदा, नाःआ चिठीयिंग ओजाःगेतना।

पिलिपी 2:19

परबू ईसूराः ओंगोल इदान दो, ईंग तिमुतियूस अपे एचेरे हलीयिंग वारेयता, जेमहा हाँय अपे अतेय कुदा वेगकियानखन अपे बदीरे नपाय सरवने कता उदुःवायिंग अरू हनाते ईंगराः जीव अहाल-बहाल जुवाः।

रूमी 16:21

ईंगरीग सेवा देंगवा होड़ तिमुतियूस अपेय सलामवातना। हनन इया ईंगरिकुःआ जइत सगा होड़कू लुकियूस अरू एसोन अरू सोसिपतरूस अपेकू सलामवातना।

मूक चेलाकू 14:6

मनदो हँकिन हना कताकिन सुदीगोतेड अरू लुकाउनिया छतरराः लिसितरा अरू दिरबे सहरकून अरू लेनेसान छतर अगीकिन ञीरयान।

इबरानी 13:23

अपे नाःआपे सुदीबाःका, अबूरीग बोहोबू तिमुतियूस जेहेल अतेय उडुंगयना। हाँय हलीय वेग जुवाः दो अपेका जुमाः लगालिंग सेनता।

1 तिमुतियूस 1:18

ने ईंग बेटा तिमुतियूस, आमिंग हुकुमवामतना, भगवानराः बड़रा कता होड़कूते सुद बिरुवा आम बदीरेय कतातेरा हना कता इया भगवानराः सरवन लगा,

1 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना। भगवान अपेय मयावा लगा, अरू सलसतरेय दोहोगोड ञवनपे।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

मूक चेलाकू 19:22

हाँय आँयगरिकिनाः बार होड़ सेवा देंगवा होड़किन, तिमुतियूस अरू इरासतूस मकिदुनिया राइजरेय वार मड़ंगतेडकिना। हना वरीते हाँय तोनोंग बेला वरी आसिया राइजरेय दोहोयान।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।

2 कुरिंती 1:19

दो ईंग अरू सिलवानूस अरू तिमुतियूस अपे एचेरेले परसारतेरा हाँयग भगवानरीग बेटात ईसू मसी बार जीवकियानखन हाव अरू ओरो मेरेय कतायता, मनदो हाँय जमा बेला हनाव हावे कतायता।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

1 कुरिंती 7:14

तोनोंगीग बिसवासी अइमीरीग हेरेलतो मेरेय बिसवासगेतान हों, हाँयग अइमी बिसवासगेतान अते हाँयगरीग हेरेलतो हों सुदे बड़ाँव जुवाःता अरू हनन इया बिसवासी मरदरीग एरात मेरेय बिसवासगेतान हों, हाँयग मरद बिसवासगेतान अते हाँयगरीग एरात हों सुदे बड़ाँव जुवाःता। निही दो अपेरिकुःआ लइंकू सुद ओरोकू दोहोकुःआ, मनदो नुँहू हँकू सुद इदानकुःआ।

मूक चेलाकू 14:21

दो पउलूस अरू बरनाबास दिरबे सहररिकुःआ होड़कू एचेरे भगवानराः नपाय सरवनकिन परसार उदुःतेरा अरू मुरुक बगरा होड़कू ईसू एचेरे बिसवासकेडखन चेलाकू बड़ाँवयान। हनते हँकिन लिसितरा सहर, इकुनियुम सहर अरू पिसिदिया छतरराः अंतकिया सहररेकिन कुदा सेनेडा।

मूक चेलाकू 14:1

हनते पउलूस अरू बरनाबास अंतकियारेकिन एचेयतेरा हनन इया इकुनियुम सहररे एहूदाकूराः अरजी ओड़ाःरेकिन सेनेडा। हँकिन मुरुक नपायतेकिन परसारतेरा अरू एहूदाकू अरू बेगर एहूदाकू अते मुरुक बगरा होड़कू ईसू एचेरेकू बिसवासतेरा।

1 कुरिंती 16:10

अपे सुसुदीतना, तिमुतियूस ईंग इया परबूय सेवातना। हाँय अपे एचेरेय सेन दो बेगर बोरतेय दोहोन लगापे संघरावाय।

पिलेमोन 1:1

ईसू मसीराः परसार बदीरे जेहेलरे इदानिंगा ईंग पउलूस नाःआ चिठीयिंग ओजाःगेतना। ने अलिंगरीग दुलार सउंगता अरू सेवा देंगवा होड़ पिलेमोन, अलंगरीग बिसवासी बोहोयिंग इदानिया हाँयग तिमुतियूस अरू ईंग अगीते आमके मसी सलाम।