मूक चेलाकू 15:6 - Korwa Bible

⁶ हनते ईसूरिकुःआ मूक चेलाकू अरू कलसियारिकुःआ अगुवा होड़कू नाःआ कता बदीरे कता होड़ेंग लगा मिनीरेकू दुड़ुःयान।

मूक चेलाकू 15:6 Referans Kwoze

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

इबरानी 13:7

भगवानराः सरवनकू कता उदुःवातेडपेःआ हँकुःआ मूक होड़कूपे उहियारकू अरू हँकूराः नपाय जीवते चिला नफा होयाःतना हना ञेलकेडखन अपे हों हँकू इया भगवान एचेरे बिसवासकेडखनपे सलाः।

मूक चेलाकू 15:25

हनालगा अपे एचेरे बरनाबास अरू पउलूस सुदा सुनावतो होड़कू वारकू लगाले ओंगोल रायनेना।

मूक चेलाकू 21:18

एटाः दिन पउलूस अरू अले एकूब सुदा जुमाः लगाले सेनेडा। हाँय सुदा कलसियारिकुःआ एटाः अगुवा होड़कू होंकू दोहोना।

मूक चेलाकू 15:4

हँकिन एरुसलेमकिन सोदोरनेन दो कलसियारिकुःआ बिसवासी होड़कू, ईसूरिकुःआ मूक चेलाकू अरू कलसियारिकुःआ अगुवा होड़कू हँकिनकू नेत-नेवारतेडकिना। दो हँकिन हँकू एचेरे भगवान अँकूतेय एचेतेरा हना जमाकूनकिन कता उदुःतेरा।

मूक चेलाकू 6:2

हनते बारहो मूक चेलाकू जमा बिसवासी होड़कू अँकू एचेरे राःतेडकूखनकू कतातेरा, “अले भगवानराः सरवन चेचेड लगा अड़ाःकेडखन जोजोम जिनिसकून हटिंगगे लगाले दोहोन दो अले लगा नपाय कोवानेःआ।

मती ओजाःतेरा भगवानराः नपाय सरवन 18:20

बार होड़ सहे पेय होड़ ईंगराः ञावरेकू जुमाःतान दो, हना ततेररे ईंग हँकू तलारेयिंग दोहोनता।”

मूक चेलाकू 11:30

हँकू हनन इयाकू एचेतेरा अरू एरुसलेमराः कलसियारिकुःआ अगुवा होड़कू एचेरे एमेय लगा बरनाबास अरू साहूल एचेरे पुंजी पसारकू एमेगोतेड।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 16:4

हनते हँकू एटाः एटाः सहरकूनरे सेनेवाडखन बिसवासी होड़कू मनावगे लगा एरुसलेमरे ईसूरिकुःआ मूक चेलाकू अरू कलसियारिकुःआ अगुवा होड़कू रायवातेरा हना नियमकून हँकू एचेरेकू कता उदुःतेरा।