मूक चेलाकू 15:4 - Korwa Bible

⁴ हँकिन एरुसलेमकिन सोदोरनेन दो कलसियारिकुःआ बिसवासी होड़कू, ईसूरिकुःआ मूक चेलाकू अरू कलसियारिकुःआ अगुवा होड़कू हँकिनकू नेत-नेवारतेडकिना। दो हँकिन हँकू एचेरे भगवान अँकूतेय एचेतेरा हना जमाकूनकिन कता उदुःतेरा।

मूक चेलाकू 15:4 Referans Kwoze

मूक चेलाकू 15:12

हना तयोमरे पउलूस अरू बरनाबास, भगवान बेगर एहूदाकू एचेरेय एचेतेरा हना जमा चिनहाकून अरू बयाव जुवाः इयाःआ बुताकूनकिन कता उदुःतेरा दो जमा बिसवासी होड़कू कलेकालयान अरू हँकिनराः बड़राकू अयूमतेरा।

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

रूमी 15:18

ईंगराः परसार अरू बुताते ईसू मसी एचेकेरा हनानाः बदीरे एकलायिंग कतायता, जेमहा बेगर एहूदाकू भगवानकू मनाः।

मूक चेलाकू 21:17

एरुसलेमरेले सोदोरनेना दो जमा बिसवासी होड़कू बहालतेकू नेत-नेवारतेडलेःआ।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

2 कुरिंती 5:19

भगवान चउंदीसरिकुःआ होड़कू ईसू मसीते अनँयग सुदाय हेल-मेलकूतना। हनालगा हाँय हँकूराः कसूर मेरेय ओंगोल दोहोगेतना। अरू हाँय हनानाः हेल-मेलराः सरवन अलेय जिमावारा।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

रूमी 15:7

हनालगा ईसू मसी अबूय मनेवारा, हनन इया अबू अँननबू अबू मनेवा होड़ेंग। अरू नाःआते भगवानराः मान मरजइत होयाःता।

मूक चेलाकू 21:19

पउलूस हँकूय सलामतेडा अरू आँयगराः सेवाते भगवान बेगर एहूदाकू तलारेय एचेतेरा हना जमा कताकूने उदुःतेरा।

मूक चेलाकू 18:27

अपोलोस अकाया छतर सेन लगाय ओंगलेःआ दो इपीसी सहररिकुःआ बिसवासी होड़कू हाँयकू कता बहालगोतेडीग अरू अकायारिकुःआ बिसवासी होड़कू हाँयकू नेत-नेवारगेय लगा चिठीकू ओजाः इदीतेरा। हाँय हंडाय सोदोरनेना दो भगवानराः मयातेकू बिसवासतेरा हँकुःआ अकाया छतररिकुःआ बिसवासी होड़कू लगा मुरुक संघरा होयानेना।

मती ओजाःतेरा भगवानराः नपाय सरवन 10:40

अपेकू नेत-नेवारता हँकुःआ होड़कू ईंगकू नेत-नेवारता, अरू ईंगकू नेत-नेवारता हँकुःआ होड़कू ईंगे वारकेरा हाँयग भगवानकू नेत-नेवारता।

मूक चेलाकू 11:30

हँकू हनन इयाकू एचेतेरा अरू एरुसलेमराः कलसियारिकुःआ अगुवा होड़कू एचेरे एमेय लगा बरनाबास अरू साहूल एचेरे पुंजी पसारकू एमेगोतेड।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 15:6

हनते ईसूरिकुःआ मूक चेलाकू अरू कलसियारिकुःआ अगुवा होड़कू नाःआ कता बदीरे कता होड़ेंग लगा मिनीरेकू दुड़ुःयान।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 16:4

हनते हँकू एटाः एटाः सहरकूनरे सेनेवाडखन बिसवासी होड़कू मनावगे लगा एरुसलेमरे ईसूरिकुःआ मूक चेलाकू अरू कलसियारिकुःआ अगुवा होड़कू रायवातेरा हना नियमकून हँकू एचेरेकू कता उदुःतेरा।