मूक चेलाकू 15:39 - Korwa Bible

³⁹ नाःआ कता बदीरे हँकिन बना होड़ मुरुककिन अड़ा-चउकीयान अरू हना तयोमरे हँकिन एटाः एटाः अगी परसारगे लगाकिन सेनेडा। बरनाबास, मरकूस सुदा जहाजरे सइपरास डुगु अगी तोराय।

मूक चेलाकू 15:39 Referans Kwoze

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

एकूब 3:2

अबू जमाकू मुरुक गारबारबू एचेयतना। मनदो अनँयग आहे संभाड़ अवेयता हाँयग होड़ बेगर गारबारीग होड़ दोहोनता। अरू उरिगकूराः तोतोँड़ाकू तोलकूता हनन इया हाँय अनँयग आँयगराः जमा देहे संभाड़ अवेयता।

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

मूक चेलाकू 27:4

हंडा अते अले अरू समुंदररेले सेना। होय अले अगी मुरुक सलाःआ हना अते अले सइपरास डुगुराः ओधा ओधारेले सेना।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 12:12

नाःआ कता पतरस सुदीतेड दो, हाँय एहुनारीग एंगात मरियमराः ओड़ाःरेय सेनेडा। हाँयग एहुनाराः एटाः ञाव दोहोना मरकूस। हंडा मुरुक होड़कू जुमावनेनखन भगवान एचेरे पतरस लगाकू अरजीःआ।

मूक चेलाकू 15:37

हँकिन सुदा मरकूस माःआन एटाः ञाव दोहोना हाँयग एहुना हों गोःगेय लगा बरनाबास ओंगोलतेरा।

1 पतरस 5:13

बाबील सहररे इदानकुःआ सुनावतो होड़कू अपेकू सलामतना। ईंग बेटा इयायीग मरकूस हों अपेय सलामतना।