मूक चेलाकू 15:32 - Korwa Bible

³² जूदा अरू सिलास भगवानराः बड़रा कता होड़किन दोहोना अरू हँकिन, बिसवासी होड़कू ईसू एचेरे एचे बड़ियाड़कू लगा मुरुककिन कता उदुःतेरा।

मूक चेलाकू 15:32 Referans Kwoze

मूक चेलाकू 11:23

हाँय हंडा सोदोरनेनखन भगवानराः मया हँकुःआ होड़कू एचेरे ञेलतेडखन मुरुके बहालयान। अरू हँकू जमा इंदरीते परबू ईसू एचेरे बिसवास हड़ाःगोड ञवनकू लगाय कता बहालगोतेडकू।

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।

1 तिमुतियूस 2:1

ने तिमुतियूस, मीटोंग मइद कता ईंग आम एचेरेयिंग असेयतना, जमा होड़कू लगा भगवान एचेरे अरजीकेडखन हँकू लगाम असेय अरू हँकू बदीरे भगवानमे धनियाबाद।

2 तिसलूनिका 3:12

परबू ईसू मसीराः ञावते ननन इयाकुःआ होड़कू, अँनकूराः बुताकू ञेल लगा अरू नपायते बुता जोम लगा अले हुकुमवाकूता अरूले मंदरावकूता।

1 तिसलूनिका 5:20

भगवानराः सुद बिरुवा तोनोंगीग होड़ते आँयगराः बड़राय कता उदुःगेता दो हना बड़रा हुडिंग अहापे ओंगले।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

1 तिसलूनिका 2:11

लइंकूरीग अपात आँयग लइंकू सुदाय एचेयता हनन इया अपे मेमेड होड़ले चेडतेडपेःआ अरू अपेराः इंदरी कुहकाःतेले सलसततेरा अरू अपेले कता बहालतेडपेःआ, अरूले समझावतेरा,

इपीसी 3:5

भगवान नाःआ कता मनाड़ंग जूगरिकुःआ तोनोंगीग होड़ एचेरे मेरेय एचे उदुःगाड। मनदो नुँहू सुद बिरुवाते भगवानरिकुःआ बड़रा कता होड़कू अरू सुद मूक चेलाकू एचेरेय एचे उदुःगोतेडा।

1 कुरिंती 14:32

भगवानराः बड़रा कता होड़कू अँननकूराः अलंगकू रोंकाव अवेयता। नाःआ अते हँकू ओरे-ओरकू कता उदुः अवेयता।

1 कुरिंती 14:29

भगवानराः बड़रा कता होड़कू अते बार पेय होड़कू बड़रा। हनमेला एटाःकू हँकूराः बड़रा नपायते ओंगोल चुवेर घड़ीनकू अयुमे।

1 कुरिंती 14:3

मनदो भगवानराः बड़राय कताता हाँयग होड़, होड़कू एचेरेय कतायता। हाँयराः बड़राते हँकूराः बिसवास बड़ियाड़ जुवाःता, अरू हँकूराः जीव अहाल-बहाल अरू हड़ियाड़ जुवाःता।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

रूमी 12:8

तोनोंगीग एटाःकू कता-बहालकू लगा दहिने पवावकियान दो हाँय कता-बाहालगोड ञवनकूय, अरू तोनोंगीग हहटिंग लगा दहिने पवावकियान दो हाँय मिनी जीवकियानखने हटिंगगोड ञवन। तोनोंगीग अगुवाइवाकू लगा दहिने पवावकियान दो हाँय, ईंगराः जिमेवारी इदा माःआन ओंगोलकेडखने अगुवाइगोड ञवन अरू मयावाकू लगा तोनोंगीग दहिने पवावकियान दो हाँय बनाहाल घड़ीने मयावाकू।

रूमी 12:6

भगवान अबूय मयावाडबूखन एटाः एटाः दहिने एमेवाडबुःआ। तोनोंगीग भगवानराः बड़रा कतायीग होड़ हवे दो हाँय भगवान एमेतेरा हना बिसवास इयाय कताय।

मूक चेलाकू 20:2

हाँय हना राइजरिकुःआ होड़कूय कता बहालवाडखन हना देसतेय पारनेना अरू उनानी देसरेय सोदोरनेन।

मूक चेलाकू 18:23

पउलूस अंतकिया सहररे तोनोंग बेला वरीय दोहोना। हनते हाँय अंतकिया अते गलातिया छतर अरू पिरगिया छतररेय सेना अरू जनामा बिसवासी होड़कू बिसवासरेय एचे बड़ियाड़गोतेडकू।

मूक चेलाकू 15:41

हँकिन सिरिया अरू किलिकिया छतरतेकिन सेनेडा अरू हंडाकुःआ बिसवासी होड़कू ईसू मसीराः बिसवासरेकिन एचे बड़ियाड़गोतेडकू।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 11:27

हननमेला एरुसलेम अते अदोम भगवानराः बड़रा कता होड़कू अंतकिया सहररेकू वेजेडा।

मूक चेलाकू 2:40

एटाः एटाः कताते हों हाँय हँकूय सेतावतेरा अरू हँकू एचेरेय असेतेरा, “नाःआ बेनेलूर जूगरिकुःआ होड़कू अते अँननपेराः जीवपे बनसाव।”

लूका 11:49

हनालगा भगवान आँयगराः कनहूनतेय कताकेरा, ईंग हँकू एचेरे ईंगराः बड़रा कता होड़कू अरू मूक चेलाकूयिंग वारता। अदोमकूकू ञेड एंडाकूता अरू अदोमकूकू संतावकूता।

मती ओजाःतेरा भगवानराः नपाय सरवन 23:34

हनालगा ईंग अपे एचेरे भगवानराः बड़रा कता होड़कू अरू कनहूनदारकू अरू चेडदार होड़कूयिंग वारकूतना। अपे अदोम होड़कूपे ञेड एंडागोडता अरू अदोम होड़कू कुरूसरेपे ठोंकावगोडकूता। अपे अदोम होड़कू अपेराः अरजी ओड़ाःकूनरे गुरुंदतेपे ञेडकूता अरू मी सहर अते एटाः सहर अगी हँकूपे झुटियावता।

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 15:27

हनालगा अले जूदा अरू सिलास, बरनाबास अरू पउलूस सुदा अपे एचेरेले वारकूतना। हँकू सेनेकियानखन अले ओजाःकेरा हना कता हँकू अँननकू अपे एचेरेकू कता उदुःगोडता।

मूक चेलाकू 15:31

जमा होड़कू हना चिठीकू बछावनेना अरू कता बहालगे इयाःआ सरवन अयूमवाडखनकू बहालयान।