मूक चेलाकू 15:25 - Korwa Bible

²⁵ हनालगा अपे एचेरे बरनाबास अरू पउलूस सुदा सुनावतो होड़कू वारकू लगाले ओंगोल रायनेना।

मूक चेलाकू 15:25 Referans Kwoze

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 1:14

हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।

लूका 1:3

हनालगा ने मान मरजइतगे इयायीग तियोपिलूस, ईंग हों जमा कताकून नपायते जासतेडखन आम लगा ओरे ओर ओजाःगे लगायिंग ओंगोल दोहोबाःकातेरा,

पिलेमोन 1:16

नुँहू वरीते, हाँय आम लगा, बेगारी होड़ एकला ना लवे। हाँय आमराः बिसवासी बोहोम हों इदानिया। हाँय ईंग मुरुकिंग दुलारगेयतना अरू ईंग अते आम लगा हाँय मुरुक नपाय इदानिया। हाँय एकला आमरीग बेगारी होड़ ना लवे, मनदो आम परबू ईसू एचेरेम बिसवासगेतना, हान इया हाँय होंय बिसवासगेतना।

कुलूसी 4:9

ईंग उनेसिमूस हों हाँय सुदायिंग वारेयतना। हाँयग उनेसिमूस अपे अते मी होड़ इदानिया। हाँय ईंगरीग दुलार सउंगता अरू भगवान लगा बिसवासगेयीग इदानिया। हँकिन अले बदीरे जमालेःआकिन कता उदुःवापेता।

कुलूसी 4:7

ने अजी बोपोहकूतिंग, अलेराः हाल चाले कता उदुःवापे लगा ईंगरीग दुलार सउंगता अरू सेवा देंगवा होड़ तुकिकूस अपे एचेरेयिंग वारेयतना। हाँय परबूराः सेवा लगा बिसवासगेयीग इदानिया।

इपीसी 6:21

ईंगरीग दुलार सउंगता तुकिकूस, परबूराः सेवारे बिसवासगेयीग इदानिया। ईंग करा इया इदानिंगा अरू ईंग चिलायिंग करेगतना हना हाँय अपेय उदुःवापेता।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

रूमी 16:12

मुरुक मिहनइत घड़ीन परबूकिन सेवाता हँकिनाः अइमीकिन तुरुपिना अरू तुरुपिसा ईंग अगीतेपे सलामगोडकिन। पिरिसीस ईंगरीग सउंगतायीन हवे। अरू हाँय हों मुरुक मिहनइत घड़ीन परबूय सेवाकेरा। हाँयग अइमी ईंग अगीतेपे सलामगोडेय।

मूक चेलाकू 15:35

अरू पउलूस अरू बरनाबास अंतकियारेकिन दोहोना। हँकिन हंडा परबूराः सरवन एटाः होड़कू सुदाकिन परसार उदुःतेरा अरूकिन चेडतेडकुःआ।

मूक चेलाकू 15:6

हनते ईसूरिकुःआ मूक चेलाकू अरू कलसियारिकुःआ अगुवा होड़कू नाःआ कता बदीरे कता होड़ेंग लगा मिनीरेकू दुड़ुःयान।

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

मूक चेलाकू 2:1

पिंतिकूसतराः परोब सोदोरनेन दो जमा बिसवासी होड़कू मिनीरेकू जुमावनेन।

मती ओजाःतेरा भगवानराः नपाय सरवन 11:26

हाव, ने अपांग भगवान, नाःआ अनमराः नपाय मरंगाः हिछा इया इदाना।