मूक चेलाकू 15:23 - Korwa Bible

²³ हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 15:23 Referans Kwoze

मूक चेलाकू 23:26

अगम मान मरजइतगेयीग मरंग हातपात होड़ पेलिकस लगा कलाउदियूस लुसियास अगीते सलाम,

एकूब 1:1

ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।

गलातिया 1:21

हना तयोमते ईंग सिरिया देस अरू किलिकिया देसिंग सेनेडा।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

3 एहुना 1:14

आम सुदा ओहेन जुमाः लगायिंग असरागेतना। हननमेला आम सुदा मुहा-मूहिंग बुतुड़ुता।

2 एहुना 1:13

ईंग सुदा इदानकुःआ सुनावतो मेसेमरिकुःआ लइंकू होंकू सलाममेतना।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।

2 एहुना 1:3

अबूरीग भगवान अरू आँयगरीग बेटात ईसू मसी अबू जीव नपायबू अरू सोगाकेडखने मयावाबूता अरू सलसते एमेवाबूता। अबू हना सताय सरवन इया जियाः घड़ीनबू दुलार होड़ेंगता दो हँकिन नाःआ जमाकूनकिन एमेवाबूता।

मूक चेलाकू 15:41

हँकिन सिरिया अरू किलिकिया छतरतेकिन सेनेडा अरू हंडाकुःआ बिसवासी होड़कू ईसू मसीराः बिसवासरेकिन एचे बड़ियाड़गोतेडकू।

मूक चेलाकू 15:4

हँकिन एरुसलेमकिन सोदोरनेन दो कलसियारिकुःआ बिसवासी होड़कू, ईसूरिकुःआ मूक चेलाकू अरू कलसियारिकुःआ अगुवा होड़कू हँकिनकू नेत-नेवारतेडकिना। दो हँकिन हँकू एचेरे भगवान अँकूतेय एचेतेरा हना जमाकूनकिन कता उदुःतेरा।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

मूक चेलाकू 21:25

मनदो बेगर एहूदा बिसवासी होड़कू अबू ओंगोल रायनेना हनाले ओजाः इदीतेरा, अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम लगा कोवानेःआ, अरू सनहा-सनहीते तोरे दोहोन लगा इदा, माःआन।”

मूक चेलाकू 21:3

अरू अले सेनेन सेन दूररे सइपरास डुगुले ञेलतेरा अरू हना डुगु अते दखिन अगी सिरिया देस होरले सेनेडा। सूर सहररे तोनोंग तोनोंग जिनिसकून जहाज अते उउतराव दोहोना। हनालगा अलेराः जहाज सूर सहररेकू गोः सोदोरतेरा।

मूक चेलाकू 18:18

मुरुक दिन वरी पउलूस कुरिंतीरेय दोहोना। हनते हाँय पिरिसकी अरू अकिला सुदा सिरिया देस अगी जहाजरे तोराकू। पउलूस भगवान एचेरे किरिया कसटे जोमतेरा। हनालगा हँकू सेन अते मड़ंग पउलूस एहूदाकूराः रिती-बिधी इया किंकिरिया सहररे आँयगराः ऊबे एचे ईरगोतेड।

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।