मूक चेलाकू 15:11 - Korwa Bible

¹¹ दो अबू बिसवासगेतना हँकुःआ होड़कू भगवान सडावकेडकुःआ, हनन इया अबूरीग परबू ईसूराः मयाते भगवान अबू होंय सडावकेरा।”

मूक चेलाकू 15:11 Referans Kwoze

रूमी 3:24

मनदो भगवान ईसू मसीते अबूय सडावकेडबुःआ अरू आँयगराः ओंगोलरे फड़ियावतो होड़कूय बड़ाँवकेडबुःआ। नाःआ इयाबू बड़ाँः लगा अबू तोनोंगाः एएचे लगा मेर दोहोगान, मनदो हाँय मयावाडबूखन नाःआ इयाय एचेकेरा।

तितूस 2:11

भगवान जमा होड़कू सडावकू लगाय मयावातेडकुःआ। हनालगा नाःआ इयाम चेडगोड ञवन,

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

2 कुरिंती 13:14

परबू ईसू मसी अपेय मयावा अरू भगवान अपेय दुलार अरू सुद बिरुवाराः संगइती अपे जमाकू सुदा सगर सइट होनोयागोड ञवन। आमीन!

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

1 कुरिंती 16:23

परबू ईसू अपेय मयावा।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

रूमी 5:15

भगवान मिनी जीवतेय दहिनवाडबुःआ, हना दहिन अदमराः कसूर इया कोवानेःआ। मिनी होड़राः कसूरते मुरुक होड़कू गोएगनेना। मनदो एटाः होड़, ईसू मसी, अबूय मयावाडबूखन भगवानराः दहिने एमेकेरा। हना अते भगवान मुरुक होड़कूराः कसूरे बराव एंडागोतेडा।

गलातिया 1:6

अपे ईसू मसीराः मयाते नपाय सरवनपे बिसवासगे लगा भगवान अपेय राःकेरा, अरू हना बिसवास अते अपे हनाली कुदाकियानखन एनेटाः एटाः दूरपे साबकेरा। हनालगा अपे बदीरे, ईंग मुरुकिंग बयावयना।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।