मूक चेलाकू 14:19 - Korwa Bible

¹⁹ हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:19 Referans Kwoze

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

2 कुरिंती 11:25

मी तुरहा दिरिकूनतेकू तेकेतिरिंगा, पेय तुरहा हापकूनते होड़कू ञेडतिरिंगा। पेय तुरहा ईंग देगनेना हना दाः जहाजकून टोटाःयान, अरू मी दिन अरू मी रइत ईंग समुंदररेयिंग हलकोयग हड़ाःआ।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

मूक चेलाकू 7:58

हनते हँकू हाँय हना सहर अते बहरीकू ओर उडुंगतिरिया अरू हाँय चोटरे दिरिकून हाँय तेके गोजेय लगाकू तेकेया। दो हंडा मी होड़ डिंघा होड़ दोहोना। हाँयराः ञाव दोहोना साहूल। दो इसतपनूस चोटरे दिरिकू तेकेःआ हँकुःआ होड़कू, हाँयग साहूल एचेरे हँकूराः सेरमो तुसिंगतो सोनहेकू जिमाःतेरा।

1 कुरिंती 15:31

ने अजी बोपोहकूतिंग, ईंग सगर दिन गुजुःराः दूररेयिंग सेने पारता। मनदो ईंगते अपे परबू ईसू मसीरेपे बिसवासकेरा। हनालगा अपे बदीरे ईंग बहालतेयिंग बड़वारता।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 9:16

हाँय ईंग लगा तुमिन कटसिया सहावगे लगा इदा हना हाँय ईंग उदुःवायतिंग।”

मूक चेलाकू 22:20

अरू आमरीग चेला इसतपनूसराः गुजुःरे होयिंग राययना अरू हाँयकू ञेड एंडातेरा हँकुःआ होड़कूराः सोनहेयिंग अगुरातेरा, माःआन।

मूक चेलाकू 14:21

दो पउलूस अरू बरनाबास दिरबे सहररिकुःआ होड़कू एचेरे भगवानराः नपाय सरवनकिन परसार उदुःतेरा अरू मुरुक बगरा होड़कू ईसू एचेरे बिसवासकेडखन चेलाकू बड़ाँवयान। हनते हँकिन लिसितरा सहर, इकुनियुम सहर अरू पिसिदिया छतरराः अंतकिया सहररेकिन कुदा सेनेडा।

मूक चेलाकू 13:14

हनते हँकिन पिरगा अते पिसिदिया छतरराः अंतकिया सहररेकिन सोदोरनेना अरू लोड़ोनराः दिनरे एहूदाकूराः अरजी ओड़ाःरेकिन सेनेडा अरू हंडाकिन दुड़ुःयान।

मूक चेलाकू 14:1

हनते पउलूस अरू बरनाबास अंतकियारेकिन एचेयतेरा हनन इया इकुनियुम सहररे एहूदाकूराः अरजी ओड़ाःरेकिन सेनेडा। हँकिन मुरुक नपायतेकिन परसारतेरा अरू एहूदाकू अरू बेगर एहूदाकू अते मुरुक बगरा होड़कू ईसू एचेरेकू बिसवासतेरा।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 14:4

मनदो हना सहररिकुःआ होड़कू बार बंटाकू बेगरावयान, अदोमकू एहूदाकू सुदा अरू अदोमकू ईसूरिकिनाः मूक चेलाकिन सुदा।

मूक चेलाकू 14:18

नाःआमिन कतातेडखन होड़कू अँकिन लगा बलिदान अहाकू देगगे लगा लटे-सटेकिन रोंकावतेडकुःआ।

मूक चेलाकू 14:26

मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 15:26

नँकुःआ होड़कू परबू ईसू मसी लगा अँनकूराः जीव हों एमेय लगा सपड़ावतो इदानकुःआ।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।