मूक चेलाकू 14:16 - Korwa Bible

¹⁶ मड़ंगरे हाँय जमा होड़कू अँननकूराः ओंगोल इया एचे लगाय सेने ओवातेडकुःआ।

मूक चेलाकू 14:16 Referans Kwoze

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

1 पतरस 4:3

मड़ंगरे अपे मुरुक बेला वरी बेगर बिसवासी होड़कू एचेय लगाकू मंजूरवाता, हना बेलूर बुताकूनपे एचेगोड ञवना। अपे सनहा-सनहीराः बेलूर ओंगोलते अरू लिमचोर-लमचोर बुताकूनरेपे दोहोना। अपे बुनूलतो अरू दारू बोः होड़कूपे दोहोना अरू एरांगवा इयाःआ मुरती पुजा घड़ीनपे जियाःआ।

इपीसी 2:12

अपे मसी अते हिगारतोपे दोहोना अरू इसराएल होड़कू सुदा अपेराः तोनोंगाः इताड मेर दोहोगान। भगवानराः जबानरे तोनोंगाः बंटा अपे लगा मेर दोहोगान अरू अपे भगवान मेनेरपे सुदीया अते, बेगर असराते नाःआ चउंदीसरेपे दोहोना।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 3:25

भगवान अबूराः कसूर बदलारे ईसूय डंडियावतेरा, अरू ईसू कुरूसरे गोएगनेनखन अबू लगा अनँयग बलंगीय तूतेरा। अरू ईसू एचेरेकू बिसवासगेता, हँकुःआ होड़कू भगवान बेगर गारबार होड़कू हवे माःआने कतावाकूता। होड़कू मड़ंगरेकू एचेतेरा हना कसूरकून सहाव घड़ीन भगवान मेरेय डंडियावगडकू।