मूक चेलाकू 13:7 - Korwa Bible

⁷ हाँय हना डुगुराः मरंगीग हातपात होड़ सिरगियूस पउलूसरीग सउंगताय दोहोना। हाँयग मरंगीग हातपात होड़ मुरुक कनहूनदार होड़े दोहोना अरू हाँय बरनाबास अरू साहूल अते भगवानराः सरवन अयूम लगा हँकिने एचे राःतेरा।

मूक चेलाकू 13:7 Referans Kwoze

मूक चेलाकू 19:38

दो दिमेतिरियूस अरू आँयगरिकुःआ बुता देंगवा होड़कू तोनोंगीग बदीरे तोनोंगाः लालिस इदा दो हँकू लालिसगे लगा कोट कछेरी अरू हातपात होड़कू इदानकुःआ।

मूक चेलाकू 13:12

दो हना डुगुरीग मरंग हातपात होड़ सेरगियूस-पउलूस परबू ईसूराः चेडतो बदीरेय बयावयान। हनालगा हाँय नाःआ जमाकून ञेलतेडखन भगवानराः सरवनरेय बिसवासतेरा।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 13:8

दो हाँयग जादो होड़ हँकिने घंटावतेरा अरू हाँयग मरंग हातपात होड़ भगवानराः सरवन बिसवासगे अते रोंकावगेय लगाय चहाःआ।

1 तिसलूनिका 5:21

मनदो होड़कू कतायतना हना जमा बड़रापे जास अरू ननपाय इदा हनापे मनाः।