मूक चेलाकू 13:48 - Korwa Bible

⁴⁸ नाःआ कता बेगर एहूदाकू अयूमतेरा दो हँकू मुरुककू बहालयान अरू परबूराः सरवनकू मान मरजइतकेरा। भगवान ओरो टुटीगनेना हना जीव पवाः लगाय ओंगोल दोहोतेरा, हँकुःआ जमा होड़कू हना सरवनकू बिसवासतेरा।

मूक चेलाकू 13:48 Referans Kwoze

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

रूमी 11:7

दो नाःआते चिला होयानेना? इसराएल होड़कू अते मुरुक होड़कू भगवान हँकूय सडावकू लगा तिंगीड घड़ीनकू ञामा, मनदो हँकू मेरकू ञाम अवेगाड। भगवान सुनाव दोहोकेडकुःआ हँकुःआ होड़कू ञाम अवेतेरा। मनदो एटाः होड़कूराः जीव कटकट केटेगयान।

एहुना 10:16

नाःआ गुदड़ीरे कोवाकुःआ ईंगरिकुःआ एटाः एटाः भेड़ाकू हों इदानकुःआ। हँकू हों ईंगराः गुदड़ीरे अअगू इदा अरू हँकू हों ईंगराः अरोकू अयूमता। हनते जमाकू मिनीटोंग खुड़हारेकू दोहोनता अरू हँकूरीग मिनीटोंग सरवाहाय दोहोनता।

एहुना 11:52

एहूदाकू एकला लगा कोवान मनदो सितिर बितिरयनाकू हँकुःआ भगवानरिकुःआ जमा होड़कू एचे जुमावकेडखन मिनीगोडकू लगा होंय गुजुःता।

इपीसी 1:19

भगवान एचेरेकू बिसवासतेरा हँकुःआ होड़कूराः जीवरे हाँयराः तुमिन मरंग जंगर इदा, हना होँपे सुदी लगायिंग अरजीतना।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

मूक चेलाकू 22:10

दो ईंग होंबोरतेड, परबू ईंग चिला एचे लगा इदा? परबू कतातेड, आम रिमुःमे अरू दिमसकूस सहररेम सेन। हंडा आम एचे लगा इदा हना ईंग आम एचेरेयिंग एचे कता उदुःगेता, माःआन।

लूका 7:8

ईंग मी होड़ एचेरेयिंग कतायता, दूमे, दो हाँय सलाव जुवाःताय। अरू मी होड़ एचेरेयिंग कतायता, दबूमे, दो हाँय ईंग एचेरेय वेग जुवाःता। अरू ईंग सेवकिया होड़ एचेरेयिंग कतायता, बुतामे, दो हाँय बुताता। हनालगा आम कतागोड दो, ईंगरीग सेवकिया होड़ नपाय जुवाःता।”

रूमी 13:1

सरकाररिकुःआ जमा हातपात होड़कू भगवान सुनावकेडकूखन हातपाते ओवाकेडकुःआ। हनालगा अपे जमाकू हँकुःआ होड़कूराः आड़रेपे दोहोन।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 2:47

हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

मूक चेलाकू 20:13

पउलूस दुनूर दूर तरोवास अते असोस सहर वरी सेन लगाय चहाःआ। हनालगा अले हाँय अते मड़ंग जहाजरे असोस अगीले सेनेडा अरू हंडा हाँय अले सुदा जहाजरे देग लगाय चहाःआ।

मती ओजाःतेरा भगवानराः नपाय सरवन 28:16

हनते ईसूरिकुःआ गारहो मूक चेलाकू गलील छतरराः मीटोंग पहाड़ अगी तोराकू। हनानाः पहाड़रेकू सेन लगा हँकू एचेरे ईसू मड़ंगरेय कतातेरा।

2 तिसलूनिका 3:1

टुनुटीगरे ईंगरिकुःआ अजी-बोपोहकूतिंग, ईंग अपे एचेरे मीटोंग बड़रा अरूयिंग कतायतना। परबू ईसूराः नपाय सरवन अपे तलारे सेड़यावनेना। हनन इया परबूराः नपाय सरवन जमा ततेररे ओहेनले सेड़याव अवेय लगा अरू हना सरवन होड़कू मान मरजइतगे लगा अपे अरजीगोड ञवनपे।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

मूक चेलाकू 15:31

जमा होड़कू हना चिठीकू बछावनेना अरू कता बहालगे इयाःआ सरवन अयूमवाडखनकू बहालयान।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 13:42

हनते पउलूस अरू बरनाबास हना अरजी ओड़ाः अते सेन मेला, होड़कू हँकिन दरवाःआ हना लोड़ोनराः दिनरे नाःआ कता अरूकिन परसार उदुःगे लगाकू कतातेरा।

मूक चेलाकू 8:8

हनालगा हना सहररिकुःआ होड़कू मुरुककू बहालयान।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मूक चेलाकू 13:12

दो हना डुगुरीग मरंग हातपात होड़ सेरगियूस-पउलूस परबू ईसूराः चेडतो बदीरेय बयावयान। हनालगा हाँय नाःआ जमाकून ञेलतेडखन भगवानराः सरवनरेय बिसवासतेरा।

रूमी 8:28

दो अबू सुनुदीबाःगोतेरा, अबू भगवानबू दुलारता अरू भगवानराः ओंगोल इया राः अगूतो इदानबुःआ। दो अबूराः जीवरे होयाःता हना जमाकून अते अबू जीवरे नफा होनोया जुवाःता।

इपीसी 1:5

अरू हाँयराः हिछा अरू नपाय ओंगोल इया अबू ईसू मसीते आँयगरिकुःआ निकता लइंकू सहेरबू लगा मनाड़ंगते दुलारकेडबूखने ओंगोल दोहोकेरा,

इपीसी 1:11

भगवान अनँयग ओंगोल अरू हिछा इया जमाकूने एचेगोड ञवनता। हनन इया हाँय ईसू मसीते अबू सुनावकेडखन इताडदारकू बड़ाँःबू लगा मनाड़ंगतेय ओंगोल दोहोकेरा।