मूक चेलाकू 13:45 - Korwa Bible

⁴⁵ मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 13:45 Referans Kwoze

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

1 तिसलूनिका 2:16

भगवान होड़कूय सडावता, हना सरवन बेगर एहूदाकू एचेरे अले कता उदुःगे अते, हँकुःआ होड़कू अलेकू रोंकावता। हँकुःआ होड़कू मुरुककू कसूरतेरा अरू कसूररेकू तीलयान। अरू हनालगा भगवान हँकू सुदा मुरुक रीसतो इदानिया।

मूक चेलाकू 19:9

मनदो हँकुःआ होड़कू अते अदोम होड़कूराः जीव केटेगयानखन हँकू मेरकू बिसवासगाड अरू ईसूराः दूर बदीरे ओपता घड़ीन होड़कू एचेरेकू कता उदुःतेरा। हनालगा पउलूस अरजी ओड़ाः सेन लगाय अड़ाःगोतेड अरू बिसवासी होड़कू हाँय सुदा गोःतेडखन तरनूसराः चेड ओड़ाःरे सगर दिनकू कता होड़ेंगगोड ञवना।

मूक चेलाकू 5:17

हनते मूक पुजउरी अरू आँयग सुदाकू दोहोना हँकुःआ सदूकी गउदारिकुःआ होड़कू, मूक चेलाकू मुरुककू इरावाकुःआ।

1 पतरस 4:4

मनदो नुँहू अपेरिकुःआ मड़ंगकुःआ सउंगताकू इया अपे तुड़ेंग-तपेग होड़कू कोवापेःआ। हना अते हँकू मुरुककू बयाव जुवाःता अरू अपे बदीरे ओपता बड़राकू बड़राता।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मती ओजाःतेरा भगवानराः नपाय सरवन 27:18

पिलातूस सुसुदीःआ, नँकुःआ होड़कू ईसू इरातेकू एचे साबतिरिया।

एकूब 4:5

भगवानराः कागदरे ओजाःतो इदा हना कता सदाःआ इदा माःआनपे ओंगलेता जा, अबू जीवरे दोहोन लगाय एमेकेरा हाँयग सुद बिरुवा बदीरे भगवान मेरेय तरसाःता जा?

गलातिया 5:21

इरा अरू बुनूलतो, लिमचोर-लमचोर, अरू नाःआ इयाःआ एटाः एटाः बेलूर बुताकून इदा। नाःआ जमाकूनराः बदीरे अपे मड़ंगरेयिंग सेतावतेडपेःआ अरू नुँहू होयिंग सेतावपेतना। नाःआ नाःआ इयाकू एचेयता हँकुःआ होड़कू तोनोंगीग भगवानराः राइजरिकुःआ इताडदारकू ओरोकू बड़ाँव अवेनेना।

रूमी 1:29

हँकूराः जीव जमा बरानाः कसूरते, बेलूरते, लुभियाते, टेनसाहाते, इराते, कड़ीगते, ञेड एंडाते, चुबली होड़ेंगते, बेलूर लूर-नेवनते अरू ओपता बड़राते पेरेगतो इदा।

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 14:4

मनदो हना सहररिकुःआ होड़कू बार बंटाकू बेगरावयान, अदोमकू एहूदाकू सुदा अरू अदोमकू ईसूरिकिनाः मूक चेलाकिन सुदा।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।