मूक चेलाकू 13:36 - Korwa Bible

³⁶ दाऊद आँयग जूगरिकुःआ होड़कू भगवानराः ओंगोल इया सेवातेडकूखने गोएगनेना अरू हाँयराः मुरदा दो सेयायना।

मूक चेलाकू 13:36 Referans Kwoze

मूक चेलाकू 2:29

ईंग अजी बोपोहकूतिंग, अपे एचेरे सुदीबाःगे घड़ीनिंग कतायतना, अबूरीग खुटिपरिया होड़ दाऊद राजा गोएगनेना अरू हाँयकू तीलतेरा। अरू हाँयराः मड़गट नाःआ जूग वरी हों अबू तलारे इदा।

मूक चेलाकू 13:22

हना तयोमरे हाँय साहूल बदलारे इसराएल होड़कूरीग राजा, दाऊदे तुलातिरिया। हाँयग दाऊद बदीरे भगवान नाःआ हिदइत होंय एमेतेरा, ईंग ईंगराः ओंगोल इयायीग होड़ एसेरीग बेटात दाऊद सुदायिंग जुमावनेना। हाँय ईंगराः जमा ओंगोल इयाय एचेयता।

1 कुरिंती 15:18

अरू ईसू मसी एचेरे बिसवासकेडखनकू गोएगयना हँकुःआ होड़कू होंकू लाय एंडाकुःआ।

1 कुरिंती 15:6

हनते पाँच सव अते बगरा चेलाकूतेन एचेरे मिनी जूदाय एचे ञेलनेना। हँकू अते मुरुक होड़कू तिसिंग वरी हों जीयत इदानकुःआ। मनदो हँकू अते तोनोंग तोनोंग होड़कू गोएगयना।

एहुना 11:39

दो ईसू कतातेड, “दिरि चलाःगेपे।” गोएगतो होड़रीग मेसेत मारता ईसू एचेरेय कताया, “ने परबू, नाँय गोएगकियान अते तिसिंग चइर दिन होयायना अरू सोःओ सिड़िगतनाय।”

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

मूक चेलाकू 20:27

हनालगा ईंग कता उदुःगेतना, तोनोंगीग होड़ बेगर बिसवासतेय गोएग जुवाः दो, हाँयराः जिमेवारी ईंगराः ओरो दोहोनेना।

मूक चेलाकू 7:60

हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

मती ओजाःतेरा भगवानराः नपाय सरवन 25:16

पाँचटोंग सोनाराः रिचकी ढिबुवाय पवावनेना हाँयग होड़ सेनेडखन फेरवइत घड़ीन अरू पाँचटोंग सोनाराः रिचकी ढिबुवाय पुंजियावतेरा।