मूक चेलाकू 13:32 - Korwa Bible

³² भगवान अबूरिकुःआ खुटिपरिया होड़कू एचेरेय जबानतेरा हना जबान, हाँय ईसू गोएगतो होड़कू अतेय जियाव रेमकिरिगखन, अबू जूगरेय पुरावगोतेडा।

मूक चेलाकू 13:32 Referans Kwoze

रूमी 4:13

भगवान इबराहीम अरू हाँयरिकुःआ नइड़-बाँस होड़कू एचेरेय जबानतेरा, अपे नाःआ चउंदीसरिकुःआ इताडदारकूपे बड़ाँःता, माःआन। दो इबराहीम भगवानराः नियमकूने मनाः अते कोवान, मनदो हाँय भगवान एचेरे बिसवासतेडखन बेगर गारबाररीग होड़े बड़ाँवनेना, अरू हनानाः अते भगवानराः जबाने पवावकिया।

मूक चेलाकू 26:6

अरू भगवान अलेरिकुःआ खुटिपरिया होड़कू एचेरेय जबानतेरा हना असराराः बदीरे नुँहू ईंगकू फड़ियाव लगा नंडायिंग चड़ाँकिया।

रूमी 9:4

हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

मूक चेलाकू 13:38

हनालगा ईंगरिकुःआ अजी बोपोहकूतिंग, नाःआ कता अपे सुदीगे लगायिंग चहाःतना। नाःआ नपाय सरवनलिंग परसार उदुःगेतना, नाँयग होड़ ईसूते अपेराः कसूर भगवान बराव एंडागेता,

रूमी 10:15

तोनोंगीग हँकू मेरकू वारकेकुः दो हँकू करा इया एटाःकू एचेरेकू कता उदुः अवेकेःआ? हनालगा भगवानराः कागदरे हँकुःआ होड़कू बदीरे नाःआ इया ओजाःतो इदा, “नपाय सरवनकू उदुःता हँकुःआ होड़कूराः काट तुमिन सुघर इदा!”

मूक चेलाकू 5:42

अरू हँकू सगर दिन भगवान ओड़ाःरे अरू ओड़ाः ओड़ाः सेनेवाडखन ईसू, मसी हवे माःआनकू परसार ञवना अरूकू चेडकुःआ।

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

लूका 2:10

दो हाँयग बराहील कतातेड, “अहापे बोर। अपे एचेरे नपाय सरवन उदुःगे लगायिंग वेगकिया। नाःआ सरवनते जमा होड़कू बहाल जुवाःता।

लूका 1:19

दो हाँय कतातेड, “ईंगराः ञाव जिबराएल हवे अरू ईंग भगवानिंग सेवाता। नुँहू नाःआ नपाय सरवन आम एचेरे कता लगा भगवान ईंगे वारकेरा।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 13:23

अरू हाँयग दाऊद राजारिकुःआ नइड़-बाँस होड़कू अते इसराएल होड़कू लगा, भगवान जबानतेरा हना इया, मी होड़ सडावदार ईसूय एमेतेरा।

मूक चेलाकू 14:15

“ने अजी बोपोहकूतालिंग, अपे चिला लगा नाःआ इयापे एचेयतना? अपे इया अलिंग हों मनुवाकिन हवे। नाःआ इया बेलूर बेलूर कताकून अते अपेराः जीव, सेरमो, ओत, समुंदर अरू जे हों सकालाः हनारे इदा हना जमाकूने तुलाकेरा हाँयग भगवान अगीपे कुदान लगा नपाय सरवनलिंग कता उदुःवापेतना।

रूमी 1:2

नाःआ नपाय सरवन भगवानराः बड़रा कता होड़कूते भगवान आँयगराः कागदरे मनाडंगरेय जबानतेरा।