मूक चेलाकू 13:3 - Korwa Bible

³ दो हँकू जमाकू अरू उपास घड़ीनकू अरजीतेरा। हनते हँकू हँकिन बना होड़किन चोटरे तिःई खेपातेडखन भगवान हँकिने एटाःकेरा हना बुता एचे लगाकू वारगोतेडकिन।

मूक चेलाकू 13:3 Referans Kwoze

मूक चेलाकू 6:6

एटाः बिसवासी होड़कू नँकुःआ होड़कू ईसूरिकुःआ मूक चेलाकू एचेरेकू अगूतेडकुःआ। हनते हँकुःआ मूक चेलाकू अरजीतेडखन हँकू बोःरे तिःईकू खेपातेरा अरू हना बुता बुता लगाकू एटाःतेडकुःआ।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

मूक चेलाकू 13:2

दो हँकू उपास घड़ीन परबूकू जाग मेला, सुद बिरुवा कतातेरा, “ईंग राःकेडकिना हना बुता एचे लगा बरनाबास अरू साहूलपे एटाःगोड।”

3 एहुना 1:8

हनालगा अबू बिसवासी होड़कू नँकुःआ होड़कू नेत-नेवारकेडखन जमा इयाःआ संघरा एमेवाकू लगा इदा। नाःआते अबू हों हँकुःआ होड़कू सुदा सतायराः सेवा देंगवा होड़कूबू होयाःता।

1 तिमुतियूस 5:22

तोनोंगीग होड़राः बोःरे ओहेन तिःई खेपाकेडखन मूक होड़ अहाम बड़ाँवगेय। अरू आम तोनोंगीगराः कसूररे अहम मेसान अरू अनम आम सुदमे दोहोन।

रूमी 10:15

तोनोंगीग हँकू मेरकू वारकेकुः दो हँकू करा इया एटाःकू एचेरेकू कता उदुः अवेकेःआ? हनालगा भगवानराः कागदरे हँकुःआ होड़कू बदीरे नाःआ इया ओजाःतो इदा, “नपाय सरवनकू उदुःता हँकुःआ होड़कूराः काट तुमिन सुघर इदा!”

मूक चेलाकू 14:26

मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

2 तिमुतियूस 1:6

हनालगा ईंग आम बोःरे तिःई खेपाकेडखनिंग अरजी मेला भगवान दहिनवाडमेःआ हनाम वेर बडेगे लगा आमिंग एचे उहियारतना।

मूक चेलाकू 15:40

मनदो पउलूस सिलासे सुनावतेरा, अरू बिसवासी होड़कू परबू हँकिने संभाड़किन लगाकू अरजीतेरा अरूकू वारगोतेडकिन।

3 एहुना 1:6

हँकुःआ होड़कू नंडाकुःआ कलसियारिकुःआ होड़कू एचेरे आम करा इया हँकूम दुलारकेरा हना बदीरेकू कता उदुःतेरा। हँकुःआ होड़कू आम एचेरे अरूकू वेग दो हनमेला भगवानरिकुःआ होड़कू सुदा करा इया एएचे इदा हनन इया एचेकेडखन नँकू नपायतेम वारगोडकू।

मूक चेलाकू 9:17

हनते हनानियाह हना ओड़ाः अगी सेनेडखन हंडाय बोलोनेन। हाँय साहूलराः बोःरे तिःई खेपातेडखने कताया, “ने बोहोयिंग साहूल, आम नंडा वेग मेला आम एचेरे दूररेय एचे ञिलुःआ, हाँयग परबू ईसू आम मेड नपायगुः लगा अरू सुद बिरुवातेम पेरेगगुः लगा आम एचेरेय वारकिरिंगा।”

लूका 2:37

अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ।

मूक चेलाकू 1:24

हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ।

मूक चेलाकू 13:4

दो भगवानराः सुद बिरुवा हँकिन बना होड़ वारगोतेडकिन अरू हँकिन सिलुकिया सहर अगी तोराकिन अरू हना ततेर अते जहाजरे देगकियानखन सइपरास डुगु अगी तोराकिन।