18 निंदावा पतरसकू अगुरातेरा हँकुःआ होड़कू हाँयके करेगयना माःआनकू ओंगलेःआ अरूकू बोरोयान।
दो हनानाः दिनरे ईसूराः दूरकू साबा हँकुःआ होड़कू लगा मुरुक संताव होयानेना।
दो जेहेलरीग अगुरा होड़ बेरेडनेनखन अरू जेहेलराः जमा दुवारकून गीगतोय ञेलतेरा दो हाँय ओंगोलतेरा, सींगतोकू दोहोना हँकुःआ होड़कू जमाकू ञीरयना। हनालगा हाँय आँयगराः तलवइरतेने उडुंगतेरा अरू अनँयग आँयग ञेड एंडान लगाय ओंगलेःआ।
पतरस हँकुःआ होड़कू कलेकालकू दोहोन लगा तिःईतेय रोंकावतेडकुःआ। हनते हँकू एचेरेय कतातेरा, भगवान ईंग करा उड़ी जेहेल अतेय एचे उडुंगकिरिंगा। हनते हाँय कतातेड, “नाःआ कताकून एकूब अरू एटाः बिसवासी होड़कूपे कता उदुःवा।” हना तयोमरे हाँय हना अते एटाः अगी तोराय।
दो हरदोस राजा पतरस मुरुक अता पताय लगावतिरिया मनदो हाँय मेरेय ञामगडीग। हनालगा हाँय हँकुःआ अगुरा होड़कू जासतेडखन एचे ञेड एंडाकू लगाय हुकुमतेरा। हनते हरदोस राजा एहूदिया छतर अते कइसरिया सहर अगी सेनेडखन तोनोंग दिन वरी हंडाय दोहोना।