मूक चेलाकू 12:11 - Korwa Bible

¹¹ हनते पतरस सुरतानेनखने कताया, “नुँहू बेगर जाःतेयिंग सुदीयतना भगवान आँयग बराहील वारतिरिगखन हरदोसराः तिःई अते अरू एहूदाकू ओंगोल दोहोतेरा हना जमा ओंगोलकून अतेय सडावकिरिंगा।”

मूक चेलाकू 12:11 Referans Kwoze

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

मूक चेलाकू 5:19

मनदो रइत मेला परबू भगवानरीग बराहील हना जेहेलराः दुवारकूने गीगतेरा अरू हँकू बहरी उडुंग अगूतेडकूखन

लूका 15:17

हनमेला हाँय उहियारवाडखने कताया, ईंग अपांगरिकुःआ सेवकिया होड़कू जोम लगा मुरुक इदा। दो ईंग नंडा रंगेगतिंग गुजुःतना।

मूक चेलाकू 12:7

दो असाका परबू भगवानरीग बराहील पतरस गेतेगा हना छिनारेय एचे ञेलयान अरू मरसल विड़चेड़नेना। हाँय परतस ढोकलाव बेरेडतिडिगखने कताया, “हलीमे, रिमुः।” अरू हननमेला हाँयकू तोलतेरा हना सिकिड़ीकून हाँय तिःईते कसड़यान।

इबरानी 1:14

जमा सेरमो देसरिकुःआ बराहीलकू भगवान सडावकूता हँकुःआ होड़कू सेवाकू लगाय वारतेडकुःआकू ना लवे जा?

मूक चेलाकू 24:27

दो बार बरिस होयानेन तयोमरे पुरकियूस पिसतूस, पेलिकसराः बदलारे मरंग हातपात होड़े बड़ाँवयान। मनदो पेलिकस एहूदाकू एचे बहालकू लगा पउलूस तोलतो इयाय दोहो ओवातिरिया।

मूक चेलाकू 25:9

पिसतूस एहूदा मूक होड़कू एचे बहालकू लगा पउलूस एचेरेय कतातेरा, “आम बदीरे जाः बड़रा इदा हना ईंग फड़ियावगे लगा एरुसलेमरे सेन लगाम चहाःतना जा?”