मूक चेलाकू 11:27 - Korwa Bible

²⁷ हननमेला एरुसलेम अते अदोम भगवानराः बड़रा कता होड़कू अंतकिया सहररेकू वेजेडा।

मूक चेलाकू 11:27 Referans Kwoze

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

मूक चेलाकू 15:32

जूदा अरू सिलास भगवानराः बड़रा कता होड़किन दोहोना अरू हँकिन, बिसवासी होड़कू ईसू एचेरे एचे बड़ियाड़कू लगा मुरुककिन कता उदुःतेरा।

मूक चेलाकू 2:17

भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

मती ओजाःतेरा भगवानराः नपाय सरवन 23:34

हनालगा ईंग अपे एचेरे भगवानराः बड़रा कता होड़कू अरू कनहूनदारकू अरू चेडदार होड़कूयिंग वारकूतना। अपे अदोम होड़कूपे ञेड एंडागोडता अरू अदोम होड़कू कुरूसरेपे ठोंकावगोडकूता। अपे अदोम होड़कू अपेराः अरजी ओड़ाःकूनरे गुरुंदतेपे ञेडकूता अरू मी सहर अते एटाः सहर अगी हँकूपे झुटियावता।

1 कुरिंती 14:32

भगवानराः बड़रा कता होड़कू अँननकूराः अलंगकू रोंकाव अवेयता। नाःआ अते हँकू ओरे-ओरकू कता उदुः अवेयता।

मूक चेलाकू 21:9

हाँयरिकुःआ चइरगोटोंग बिटीकू दोहोना। हँकू डिंडाकू दोहोना अरू भगवानराः बड़रा कता अइमीकू दोहोना।

मूक चेलाकू 21:4

हना वरीते अले हंडाकुःआ तोनोंग तोनोंग बिसवासी होड़कू सुदाले जुमावनेना अरू हँकू सुदा सात दिन वरीले दोहोना। भगवानराः सुद बिरुवाते हँकू पउलूस एरुसलेम अलोय सेन लगाकू कतातेरा।

लूका 11:49

हनालगा भगवान आँयगराः कनहूनतेय कताकेरा, ईंग हँकू एचेरे ईंगराः बड़रा कता होड़कू अरू मूक चेलाकूयिंग वारता। अदोमकूकू ञेड एंडाकूता अरू अदोमकूकू संतावकूता।

मूक चेलाकू 6:5

दो नाःआ कतारे जमा बिसवासी होड़कू मंजूरयान। हनते बिसवासी होड़कू मुरुक बिसवासगेयीग अरू सुद बिरुवाते पेरेगतो इदानिया हाँयग इसतपनूस, पिलिपूस, पोरोकुरूस, नीकानोर, तीमोन, परमिनास अरू मड़ंगरे एहूदा धरमरेय बोलोनेना हाँयग अंतकिया सहररीग निकुलाउस, नँकुःआ होड़कूकू सुनावतेरा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 11:22

नाःआ कता एरुसलेमराः कलसियारिकुःआ होड़कू अयूमतेरा दो, हँकू बरनाबास ञावीग मी होड़ बिसवासी होड़ अंतकिया सहररेकू वारगोतेडीग।

मूक चेलाकू 14:26

मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:30

दो हँकुःआ चइरगोटोंग होड़कू, कलसियारिकुःआ होड़कू वारतेडकुःआ अरू हँकू अंतकिया सहर तोराकू। हंडा सेनेडखन हंडाकुःआ बिसवासी होड़कू एचेरेकू जुमावनेन अरू हँकू हना चिठीकू एमेवातेडकुःआ।

मूक चेलाकू 18:22

हाँय कइसरिया सहररेय सोदोरनेन दो हाँय एरुसलेम सहरराः कलसियारिकुःआ होड़कू सुदा जुमावनेनखने सलामतेडकुःआ। हनते हाँय अंतकिया अगी तोराय।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

गलातिया 2:11

पतरस अंतकिया सहररेय वेजेडा दो ईंग घंटावतिडिगखन हाँय एचेरेयिंग कतातेड, आम गारबारकेरा, माःआन।