मूक चेलाकू 11:19 - Korwa Bible

¹⁹ इसतपनूस गोएगनेन तयोमरे होड़कू एरुसलेम सहरराः कलसियारिकुःआ होड़कू मुरुककू संतावकुःआ। हनालगा हँकू अते मुरुक बगरा बिसवासी होड़कू हना ततेरतेकू ञीरबाःयान अरू फिनिका छतर, सइपरास डुगु अरू अंतकिया सहररेकू सोदोरयान। हँकू एहूदाकू एचेरे एकला नपाय सरवनकू कता उदुःतेरा।

मूक चेलाकू 11:19 Referans Kwoze

मूक चेलाकू 21:2

पतरारे हना जहाजतेले उतरावनेना अरू फिनिका छतर अगी सेनता हना जहाजरेले देगनेना।

मूक चेलाकू 15:35

अरू पउलूस अरू बरनाबास अंतकियारेकिन दोहोना। हँकिन हंडा परबूराः सरवन एटाः होड़कू सुदाकिन परसार उदुःतेरा अरूकिन चेडतेडकुःआ।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)

गलातिया 2:11

पतरस अंतकिया सहररेय वेजेडा दो ईंग घंटावतिडिगखन हाँय एचेरेयिंग कतातेड, आम गारबारकेरा, माःआन।

मूक चेलाकू 21:16

कइसरियारिकुःआ तोनोंग तोनोंग बिसवासी होड़कू हों अले सुदाकू सेनेडा। सइपरासरीग मी होड़ होड़ हंडाय दोहोना। हाँयराः ञाव दोहोना मनासोन। हाँय मुरुक बरिस वरीते ईसूरीग चेलाय दोहोना। अरू मनासोनराः ओड़ाःरे अले रोंकाः लगा हँकुःआ बिसवासी होड़कू अलेकू गोःतेडलेःआ।

मूक चेलाकू 18:22

हाँय कइसरिया सहररेय सोदोरनेन दो हाँय एरुसलेम सहरराः कलसियारिकुःआ होड़कू सुदा जुमावनेनखने सलामतेडकुःआ। हनते हाँय अंतकिया अगी तोराय।

मूक चेलाकू 15:39

नाःआ कता बदीरे हँकिन बना होड़ मुरुककिन अड़ा-चउकीयान अरू हना तयोमरे हँकिन एटाः एटाः अगी परसारगे लगाकिन सेनेडा। बरनाबास, मरकूस सुदा जहाजरे सइपरास डुगु अगी तोराय।

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

मूक चेलाकू 13:4

दो भगवानराः सुद बिरुवा हँकिन बना होड़ वारगोतेडकिन अरू हँकिन सिलुकिया सहर अगी तोराकिन अरू हना ततेर अते जहाजरे देगकियानखन सइपरास डुगु अगी तोराकिन।

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

मूक चेलाकू 3:26

भगवान आँयग बेटात ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”

एहुना 7:35

नाःआ अयूमतेडखन एहूदाकूरिकुःआ मूक होड़कू कता होड़ेंगा, “नाँय ओरोबू ञाम अवेतिरिया इया नाँय कराय सेनता? नाँय बेगर एहूदाकू तलारे सितिर-बितिरयनाकू हँकुःआ एहूदाकू एचेरे सेनेकियानखन बेगर एहूदाकू होंय चेडता जा?

मती ओजाःतेरा भगवानराः नपाय सरवन 10:6

मनदो अपे इसराएल जइतरिकुःआ केड़ेत भेड़ाकू इया इदानकुःआ हँकुःआ होड़कू एचेरेपे सेन।

मूक चेलाकू 6:5

दो नाःआ कतारे जमा बिसवासी होड़कू मंजूरयान। हनते बिसवासी होड़कू मुरुक बिसवासगेयीग अरू सुद बिरुवाते पेरेगतो इदानिया हाँयग इसतपनूस, पिलिपूस, पोरोकुरूस, नीकानोर, तीमोन, परमिनास अरू मड़ंगरे एहूदा धरमरेय बोलोनेना हाँयग अंतकिया सहररीग निकुलाउस, नँकुःआ होड़कूकू सुनावतेरा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 11:22

नाःआ कता एरुसलेमराः कलसियारिकुःआ होड़कू अयूमतेरा दो, हँकू बरनाबास ञावीग मी होड़ बिसवासी होड़ अंतकिया सहररेकू वारगोतेडीग।

मूक चेलाकू 14:26

मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 15:30

दो हँकुःआ चइरगोटोंग होड़कू, कलसियारिकुःआ होड़कू वारतेडकुःआ अरू हँकू अंतकिया सहर तोराकू। हंडा सेनेडखन हंडाकुःआ बिसवासी होड़कू एचेरेकू जुमावनेन अरू हँकू हना चिठीकू एमेवातेडकुःआ।