मूक चेलाकू 10:7 - Korwa Bible

⁷ दो बराहील तोराय हना तयोमरे कुरनेलियूस आँयगरिकिनाः बार होड़ सेवकियाकिन अरू आँयग सुदाय दोहोना मी होड़ बिसवासगेयीग सइना होड़, हँकूय राःतेरा।

मूक चेलाकू 10:7 Referans Kwoze

पिलेमोन 1:16

नुँहू वरीते, हाँय आम लगा, बेगारी होड़ एकला ना लवे। हाँय आमराः बिसवासी बोहोम हों इदानिया। हाँय ईंग मुरुकिंग दुलारगेयतना अरू ईंग अते आम लगा हाँय मुरुक नपाय इदानिया। हाँय एकला आमरीग बेगारी होड़ ना लवे, मनदो आम परबू ईसू एचेरेम बिसवासगेतना, हान इया हाँय होंय बिसवासगेतना।

लूका 3:14

सइनाकू हों हाँय एचेरेकू होंबोरतेरा, “गुरुजी, अलेके चिला एचे इदा?” दो हाँय हँकू एचेरेय कताया, “होड़कू अते ढिबुवा रेनहाकेडखन अलोपे गोः अरू लबराकेडखन तोनोंगीग होड़ अलोपे बदीगेय। सरकार एमेयता हिनिनमिनाः तंकातेपे संतोकगे।”

1 तिमुतियूस 6:2

तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।

मती ओजाःतेरा भगवानराः नपाय सरवन 2:13

हँकुःआ कनहूनदारकू कुदायान, हना तयोमरे परबू भगवानरीग बराहील सपनारे उसूप एचेरे सेनेडखने कताया, “रिमुःमे, लँइग अरू एंगात गोःकेडखन मिसिरी देस अगीम ञीर। हरदोस राजा लँइग ञेड गोजेय लगाय ओंगलेतना। हनालगा ईंग आम एचेरेयिंग कतायता हना बेला वरी हंडाम दोहोन।”

लूका 2:25

दो हंडा एरुसलेम सहररे सिमोन ञावीग होड़ दोहोना। हाँय बेगर गारबार होड़े दोहोना अरू भगवानराः नियम इयाय जियाःआ। भगवानराः सुद बिरुवा हाँय जीवरे दोहोना। इसराएल होड़कूय सडावता हाँयग होड़ लगा सिमोन ततंगीःआ।

मूक चेलाकू 10:6

हाँय सिमोन ञावीग चमारराः समुंदर धरीरे इदा हना ओड़ाःरेय दोहोनतना।”

मूक चेलाकू 10:8

हाँय हँकू एचेरे होयानेना हना जमाकूने कता उदुःतेरा अरू जोपा सहर अगीय वारतेडकुःआ।