मूक चेलाकू 10:42 - Korwa Bible

⁴² अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा।

मूक चेलाकू 10:42 Referans Kwoze

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

1 पतरस 4:5

जीयत इदानकुःआ हँकुःआ होड़कू अरू गोएगतो होड़कू, जमाकू भगवान फड़ियावकूता। हनानाः दिन हँकू जमाकू अँनकूराः बुता बदीरे भगवान एचेरे आभा एएमे पराःता।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

उदुःतो कताकून 22:12

हनते ईसू अरूय कतातेरा, “अपे ईंगपे अयूम! ईंग हनालियिंग कुदा वेगता। अरू जमाकू अँनकूराः बुता इया बदला एमेवाकू लगा ईंग एचेरे इमान इदा।

मूक चेलाकू 1:2

अरू सेरमो देस अगी भगवान रेम गोःगे अते मड़ंग हाँय आँयगरिकुःआ सुनावतो मूक चेलाकू एचेरे भगवानराः सुद बिरुवाते हुकुमकूने एमेवातेडकुःआ हनायिंग ओजाःकेरा।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

मूक चेलाकू 5:20

हँकू एचेरेय कतातेरा, “दूपे, अपे भगवान ओड़ाःरेपे सेन अरू हंडा चड़ाँकियानखन नाःआ नँवा जीवराः कताकून जमा होड़कू एचेरेपे कता उदुःगे।”

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।

लूका 22:22

मनुवारीग बेटात भगवान ओंगोल दोहोकेरा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय ओरो दोहोनेना।”

मूक चेलाकू 24:25

भगवानराः ओंगोल इया जियाः लगा अरू अनँयग आँयगते ओंगोल बुझावकियानखन जियाः लगा अरू दरवाःआ हना फड़ियावराः बदीरे पउलूस कता उदुःगेःआ। हनमेला पेलिकस मुरुके बोरोनेनखने कताया, “निनिन मिनाः बगरायना। नुँहू सलाव जुवाःमे। एटाः बेला अरूयिंग एचे राःमेता।”

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।