मूक चेलाकू 1:15 - Korwa Bible

¹⁵ दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 1:15 Referans Kwoze

1 कुरिंती 15:6

हनते पाँच सव अते बगरा चेलाकूतेन एचेरे मिनी जूदाय एचे ञेलनेना। हँकू अते मुरुक होड़कू तिसिंग वरी हों जीयत इदानकुःआ। मनदो हँकू अते तोनोंग तोनोंग होड़कू गोएगयना।

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।

मूक चेलाकू 21:20

नाःआ कता हँकुःआ अगुवा होड़कू अयूमतेरा दो हँकू भगवानकू जागा। हनते हँकू पउलूस एचेरेकू कताया, “ने सउंगता पउलूस, एहूदाकू अते हजार हजार होड़कू बिसवासरे इदानकुःआ अरू हँकुःआ जमा होड़कू मोसेसराः नियमकून नपायतेकू मनाव वेगतना।

एहुना 21:23

नाःआ कता बिसवासी होड़कू एचेरे सितरावयान, नाँयग चेला ओरोय गोएगनेना, माःआन। ईसू हाँय बदीरे मेरेय कतागाड, ओरोय गोएगनेना, माःआन। मनदो ईंग कुदा वेग वरी जिनियते दोहोन लगायिंग चहाः दो आम लगा चिला होयाःता, माःआने कतातेरा।

उदुःतो कताकून 3:4

मनदो अपे अते अदोम होड़कू अँनकूराः सोनहे कसूरते मेरकू मइलागरा। हँकू ईंग जुकूर इदानकुःआ। हननलगा हँकू उजड़ सोनहे तुसिंगकेडखन ईंग सुदाकू दँड़ाता।

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

लूका 22:32

मनदो सिमोन, आम बिसवास अहम अड़गे लगा, ईंग भगवान एचेरेयिंग अरजीकेरा। तयोमरे आम कुदा वेग मेला, बिसवासी वपगकूतामराः बिससवासमे बड़ियाड़गे।”

मती ओजाःतेरा भगवानराः नपाय सरवन 13:31

ईसू हँकू एचेरे अरू मीटोंग एटाःआ अउल-तउल कहड़ीय कतातेरा, “भगवानराः राइज ढड़हा बिहान इया इदा। हना मी होड़ होड़ गोःकेडखन अनँयगराः दोहोड़रेय वेरगोतेड।

मूक चेलाकू 10:23

दो पतरस हँकू आँयग सुदा हना रइत दोहोन लगा ओड़ाः पेंदारेय राः अदेरतेडकुःआ। एटाः दिन हाँय हँकू सुदाय सेनेडा अरू जोपा सहर अते तोनोंग तोनोंग बिसवासी होड़कू हों हाँय सुदाकू सेनेडा।

मूक चेलाकू 11:1

ईसूरिकुःआ मूक चेलाकू अरू एहूदिया छतररिकुःआ जमा बिसवासी होड़कू अयूमकेरा बेगर एहूदाकू हों भगवानराः सरवन अयूमकेडखनकू मनेवाडा।

मूक चेलाकू 11:12

दो भगवानराः सुद बिरुवा ईंग एचेरेय कताया, बेगर जाः घड़ीन हँकू सुदाम सेन, माःआन। नँकुःआ छोनो बिसवासी होड़कू ईंग सुदा सेनेडखन कुरनेलियूसराः ओड़ाःरेले सोदोरनेन।

मूक चेलाकू 11:26

हाँय सुदाय जुमावनेन दो अंतकियारे साहूले अगूतेरा। हँकिन मी बरिस वरी हना कलसियारिकुःआ होड़कू सुदाकिन दोहोना, अरू मुरुक होड़कूकिन चेड ञवना। चेलाकू अंतकिया सहररे मड़ंग मसी होड़कू माःआनकू एचे कतानेना।

मूक चेलाकू 11:29

दो हंडाकुःआ चेलाकू अँननकूराः पुंजी पसारकून एहूदिया छतररिकुःआ बिसवासी होड़कू संघरावाकू लगाकू एमेतेरा।

मूक चेलाकू 12:17

पतरस हँकुःआ होड़कू कलेकालकू दोहोन लगा तिःईतेय रोंकावतेडकुःआ। हनते हँकू एचेरेय कतातेरा, भगवान ईंग करा उड़ी जेहेल अतेय एचे उडुंगकिरिंगा। हनते हाँय कतातेड, “नाःआ कताकून एकूब अरू एटाः बिसवासी होड़कूपे कता उदुःवा।” हना तयोमरे हाँय हना अते एटाः अगी तोराय।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 16:2

लुसतरा अरू इकुनियुमरिकुःआ बिसवासी होड़कू हाँय बदीरे नपायकू कताया।

मूक चेलाकू 16:40

हनते पउलूस अरू सिलास जेहेल अतेकिन उडुंगनेन तयोमरे हँकिन लिदियाराः ओड़ाःरे तोराकिन। हंडा हँकिन बिसवासी होड़कू सुदाकिन जुमावनेना अरू हँकूकिन कता-बहालतेडखन हना सहर अते तोराकिन।

मूक चेलाकू 17:6

मनदो हँकू हँकिन मेरकू ञामगाडकिन दो आसोन अरू एटाः बिसवासी होड़कू हना सहररिकुःआ हातपात होड़कू एचेरेकू ओर अगूतेडकुःआ। अरू हँकू खिररी घड़ीनकू कताया, जमा चउंदीसरिकुःआ होड़कू हना नाःआ अगीकू एचे हड़ाःकूतना हँकुःआ होड़कू नंडा होंकू वेगकिया।

मूक चेलाकू 17:10

रइत होयानेन दो ओहेन तिसलूनिका सहररिकुःआ बिसवासी होड़कू पउलूस अरू सिलास बिरिया सहर अगीकू वारगोतेडकिन। हंडाकिन सोदोरनेन दो हँकिन एहूदाकूराः अरजी ओड़ाःरेकिन सेनेडा।

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।

मूक चेलाकू 18:18

मुरुक दिन वरी पउलूस कुरिंतीरेय दोहोना। हनते हाँय पिरिसकी अरू अकिला सुदा सिरिया देस अगी जहाजरे तोराकू। पउलूस भगवान एचेरे किरिया कसटे जोमतेरा। हनालगा हँकू सेन अते मड़ंग पउलूस एहूदाकूराः रिती-बिधी इया किंकिरिया सहररे आँयगराः ऊबे एचे ईरगोतेड।

मूक चेलाकू 18:27

अपोलोस अकाया छतर सेन लगाय ओंगलेःआ दो इपीसी सहररिकुःआ बिसवासी होड़कू हाँयकू कता बहालगोतेडीग अरू अकायारिकुःआ बिसवासी होड़कू हाँयकू नेत-नेवारगेय लगा चिठीकू ओजाः इदीतेरा। हाँय हंडाय सोदोरनेना दो भगवानराः मयातेकू बिसवासतेरा हँकुःआ अकाया छतररिकुःआ बिसवासी होड़कू लगा मुरुक संघरा होयानेना।

मूक चेलाकू 21:7

अले सूर अते सेनेडखन पतुलुमिसले सोदोरनेना अरू हंडाकुःआ बिसवासी होड़कूले मसी सलामतेडखन हँकू सुदा मी दिनले दोहोनेना।

मूक चेलाकू 21:17

एरुसलेमरेले सोदोरनेना दो जमा बिसवासी होड़कू बहालतेकू नेत-नेवारतेडलेःआ।

मूक चेलाकू 22:5

हनालगा नाःआ कता मूक पुजउरी अरू मरंग पंचाइतरिकुःआ होड़कू होंकू सुसुदीतना। ईंग हँकुःआ होड़कू अते दिमसकूसरिकुःआ एहूदाकू एचेरे चिठी गोःतेडखन हंडाकुःआ बिसवासी होड़कू एचे तोल अगूतेडकूखन एरुसलेमरे डंडियावकू लगायिंग सेनेडा।

मूक चेलाकू 28:14

हंडा अले बिसवासी होड़कू सुदाले जुमावनेना अरू हँकू कतातेड अते अले हँकू एचेरे सात दिनले दोहोना। अरू हनन इया अले रूमी सहर अगी तोराले।