मूक चेलाकू 1:13 - Korwa Bible

¹³ हँकू हंडाकू सोदोरनेन दो हँकू डेरानेना हना ओड़ाःराः सेरमो छिनारेकू सेनेडा। हंडा ईसूरिकुःआ मूक चेलाकू सिमोन पतरस, एहुना, एकूब, अंदरियास, पिलिपूस अरू तोमा, बरतुलमाय अरू मती, हलपाइरीग बेटात एकूब अरू जेलोतेस माःआनकू राःगेया हाँयग सिमोन अरू एकूबरीग बेटात जूदा, हों दोहोना।

मूक चेलाकू 1:13 Referans Kwoze

मूक चेलाकू 20:8

संगइतीरेले दुड़ुःनेना हना सेरमोराः छिनारे मुरुक ढिबरीकून दोहोना।

लूका 22:12

हाँय ओड़ाः सेरमोराः मीटोंग नपाय टड़बड़तो मरंग छिनाय उदुःवाबाता। हनानाः छिनारे अबू जमाकू जोम लगाबा संजोड़का।”

मरकूस 14:15

हाँय ओड़ाः सेरमोराः सपड़ावतो मीटोंग मरंग छिनाय उदुःवाबाता। हनानाः छिनारे अबू जमाकू जोम लगाबा संजोड़का।”

मरकूस 2:14

सेन मेला ईसू, अलपियूसरीग बेटात लेवी मलगुजारी गोः लगा दोफा दूर कुटीरे दुड़ुःतोय ञेलतिरिया। ईसू हाँय एचेरेय कतातेड, “ओतोंग वेगमे।” अरू हाँय रेमनेनखन ईसू देह दूर तोराया।

एकूब 1:1

ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।

मूक चेलाकू 12:17

पतरस हँकुःआ होड़कू कलेकालकू दोहोन लगा तिःईतेय रोंकावतेडकुःआ। हनते हँकू एचेरेय कतातेरा, भगवान ईंग करा उड़ी जेहेल अतेय एचे उडुंगकिरिंगा। हनते हाँय कतातेड, “नाःआ कताकून एकूब अरू एटाः बिसवासी होड़कूपे कता उदुःवा।” हना तयोमरे हाँय हना अते एटाः अगी तोराय।

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

गलातिया 1:19

हंडा ईंग परबू ईसूरीग बोहोत एकूब अड़ाःवाडखन अरू एटाः तोनोंगीग मूक चेलाकू सुदा मेरिंग जुमावगान।

मूक चेलाकू 15:13

हँकिन बड़रा उरियावनेन दो एकूब कतातेरा, “ने वपक बोपोहकूतिंग, ईंगपे अयूम!

मूक चेलाकू 4:19

मनदो पतरस अरू एहुना कता कुदातेरा, “अपे अँननपे अपे फड़ियावगे। भगवानराः कता अते अपेराः कता बगरालिंग मनाः दो हना भगवान मड़ंगरे नपाय इदा जा?

मूक चेलाकू 4:13

दो हँकुःआ होड़कू पतरस अरू एहुनाराः डीड़कू ञेलतेरा अरू मुरुककू बयावयान। हँकू सुदीबाःगोतेड, नँकिन नियम बदीरे अलीगवार इदानकिना अरू ईसू सुदाकिन दोहोना, माःआन।

मूक चेलाकू 2:14

हनते पतरस ईसूरिकुःआ गारहगोटोंग मूक चेलाकू सुदा चड़ाँनेनखन हुमइसके जमा होड़कू एचेरेय परसार उदुःतेरा, “एहूदाकू अरू एरुसलेम सहररेपे दोहोनता अपे जमा होड़कू, तिंगीड घड़ीन ईंग बड़रापे अयूम अरू सतायपे सुदी।

एहुना 21:2

सिमोन पतरस, दिदिमूस माःआनकू कतावाया हाँयग तोमा, गलील छतरराः काना सहररीग नतनएल, जबदीरिकिनाः बेटाकिन, अरू बार होड़ एटाः चेलाकिन हों मिनीरेकू जुमावनेना।

एहुना 18:17

दो दुवाररेय अगुराःआ हाँयग अइमी पतरसे होंबोरतेरा, “आम हों हाँयग होड़रीग चेलाकू अते मी होड़ ना लवे जा?” दो हाँय कता कुदातेरा, “ईंग ना लवे।”

एहुना 11:16

हनते दिदिमूस माःआनकू कतावायता, हाँयग तोमा एटाः चेलाकू एचेरेय कतातेड, “दो अबू हों हाँय सुदा गुजुः लगाबू सेन।”

मरकूस 14:33

हनते ईसू पतरस, एकूब अरू एहुना आँयग सुदा अरू तोरेरेय गोःयाडकू अरू हाँयराः जीव मुरुक हुडिंगयान अरू कटसियायान।

मरकूस 9:2

छो दिन तयोमरे ईसू पतरस, एहुना अरू एकूब आँयग सुदा मीटोंग उसूल पहाड़ सेरमो एकलाय गोःयाडकू। दो हाँय हंडा हँकू मड़ंगरेय बदलावयान।

मरकूस 5:37

दो ईसू आँयग सुदा सेन लगा पतरस, एकूब अरू एकूबरीग बोहोत एहुना अड़ाःवाडखन तोनोंगीग मेरेय एमेगाड।

मती ओजाःतेरा भगवानराः नपाय सरवन 9:9

दो ईसू सेन मेला मती ञावीग मलगुजारी गोः होड़, मलगुजारी गोः लगा दोफा दूर कुटीरे दुड़ुःतो ञेलतिडिगखन हाँय एचेरेय कतातेड, “ओतोंग वेगमे।” अरू हाँय रेमनेनखन ईसू देह दूर तोराय।

2 एहुना 1:1

भगवान सुनावतिरिया हाँयग अइमी अरू आँयगरिकुःआ लइंकू लगा ईंग अगुवा होड़, नाःआ चिठीयिंग ओजाःगेतना। ईंग अपे मुरुकिंग दुलारपेतना। मनदो ईंग एकला कोवान, भगवानराः सताय कताकू सुसुदीतना हँकुःआ जमा होड़कू हों ईंग सुदाकू दुलारपेता।

1 कुरिंती 15:7

हनते हाँय एकूब एचेरेय एचे ञेलनेना। अरू हना तयोमरे हाँय अनँयगरिकुःआ जमा मूक चेलाकू एचेरेय एचे ञेलनेना।

एहुना 14:22

हनते इसकरियोती ना लवे हाँयग जूदा, ईसू एचेरेय कताया, “ने परबू, आम चिला लगा आम बदीरे अले एचेरे एकलाम उदुःगेतना अरू चउंदीसरिकुःआ होड़कू एचेरे मेरेम उदुःगेता?”