मूक चेलाकू 1:10 - Korwa Bible

¹⁰ ईसू सेरमो देस अगीय सेनेन मेला मूक चेलाकू तिंगीड घड़ीनकू संगीलेःआ दो असाका उजड़ सोनहे तुसिंगतो बार होड़ होड़किन हँकू एचेरेकिन चड़ाँयान।

मूक चेलाकू 1:10 Referans Kwoze

लूका 24:4

हँकुःआ अइमीकू बोरोनेनखनकू बयावयान। दो हनमेला असाका, टेडेगतो सोनहे तुसिंगतो बार होड़ होड़किन हँकू मड़ंगरेकिन चड़ाँयान।

एहुना 20:12

दो हंडा उजड़ सोनहे तुसिंगतो बार होड़ सेरमो देसरिकिनाः बराहीलकिन, ईसूराः मुरदाकू मंडावतेरा हंडा मी होड़ बोः अगी अरू मी होड़ काट अगी दुड़ुःतोकिन दोहोना।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”

मरकूस 16:5

मड़गट लात पेंदारेकू बोलोनेन दो हंडा मी होड़ डिंघा उजड़ सोनहे तुसिंगतो खउना गतर दुड़ुःतोकू ञेलतिरिया अरू मुरुककू बयावयान।

मूक चेलाकू 10:30

दो कुरनेलियूस कता कुदातेरा, “चाइर दिन मड़ंग निनिन मिन ढड़काः बेला ईंग ओड़ाःरेयिंग अरजीःआ। असाका मी होड़ होड़ विड़चेड़तो सोनहे तुसिंगतेडखन ईंग मड़ंगरेय चड़ाँयान

मती ओजाःतेरा भगवानराः नपाय सरवन 28:3

हाँयराः मुरइत ठेड़रे इया विड़चेड़ा अरू हाँयराः सोनहे फक-फक उजड़ ञिलुःआ।

मती ओजाःतेरा भगवानराः नपाय सरवन 17:2

हंडा चेलाकू ञेनेल ञेलरे हाँयराः मुरइत बदलावयान अरू हाँयराः सुरइत बेर इया विड़चेड़नेना अरू हाँयराः सोनहे मरसल इया फक-फक उजड़यान।

उदुःतो कताकून 3:4

मनदो अपे अते अदोम होड़कू अँनकूराः सोनहे कसूरते मेरकू मइलागरा। हँकू ईंग जुकूर इदानकुःआ। हननलगा हँकू उजड़ सोनहे तुसिंगकेडखन ईंग सुदाकू दँड़ाता।

मूक चेलाकू 10:3

दो मी दिन ढड़काः बेला हाँय मीटोंग दरसने ञेलतेरा। हाँय मी होड़ सेरमो देसरीग बराहीले ञेलतेरा अरू हाँयग बराहील, हाँय एचेरे वेगवाडखने कताया, “ने कुरनेलियूस!”