3 एहुना 1:8 - Korwa Bible

⁸ हनालगा अबू बिसवासी होड़कू नँकुःआ होड़कू नेत-नेवारकेडखन जमा इयाःआ संघरा एमेवाकू लगा इदा। नाःआते अबू हों हँकुःआ होड़कू सुदा सतायराः सेवा देंगवा होड़कूबू होयाःता।

3 एहुना 1:8 Referans Kwoze

3 एहुना 1:10

हाँय एटाः होड़कू एचेरे बेलूर ओंगोलते अले बदीरे बड़राय बहकावगोड ञवनता। हनाते हों हाँय मेरेय राजूगान अरू हाँय बिसवासी होड़कू मेरेय नेत-नेवारकूतना। एटाः होड़कूकू नेत-नेवारता हँकुःआ होड़कूय रोंकावतना अरू हँकुःआ होड़कू कलसियारिकुःआ होड़कू अते एटाःगोडकूतनाय। हनालगा ईंग हंडा सेने दो हाँय एचेकेरा हना जमाकूनिंग उहियार अगूयता।

पिलेमोन 1:24

ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।

पिलेमोन 1:2

अबूरीग मेसेबू इया इदानिया हाँयग अपियालिंग सलामगेयतना। अलिंग सुदाय पपरसारतना हाँय अरकिपूस होंलिंग सलामतना। ने पिलेमोन, आम ओड़ाःरे संगइतीरेकू दुड़ुःता, हँकुःआ जमा बिसवासी होड़कू होंलिंग सलामतना।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

कुलूसी 4:11

एसतूस माःआनकू कतावायता, हाँयग एहोसू अपेय सलामतना। ईंगकू सेवा देंगवातेरा हँकुःआ एहूदाकू अते नननकुःआ पेनेय होड़ ईंगराः जीवकू हड़ियाड़केरा।

पिलिपी 4:3

ने सुजगे, आम ईंगरीग बिसवासगेयीग सेवा देंगवा होड़ हवे। नँकिनाः अइमीकिन, कलमेस अरू एटाः सेवा देंगवा होड़कू अरू ईंग सुदा, नपाय सरवन कता उदुःगे लगा मुरुककिन सेसा-दुराकिया। अरू नँकुःआ जमा होड़कूराः ञाव, जीवराः कागदरे भगवान ओजाःकेरा। हनालगा ने सुजगे, आम नँकिनाः अइमीकिन सलसतरेकिन दोहोन लगाम संघरावाकिन।

2 कुरिंती 8:23

तितूसराः बदीरेपे होंबरे दो हाँय ईंगरीग संग अरू अपे लगा ईंगरीग सेवा देंगवा होड़ हवे। अरू एटाः बार होड़किन कलसियारिकिनाः बराहीलकिन हवे अरू हँकिन मसीकिन मान मरजइतता।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

लूका 11:7

दो हाँय ओड़ाः पेंदातेय कतायता, ईंग रिमुः लगा अलोम कतावायिंग। ईंग दुवारिंग सींगकेरा अरू ईंगरिकुःआ लइंकू हों ईंग सुदाकू गेतेगकिया। हनालगा रेमकियानखन ओरोयिंग एमे अवेतेरा।”

मती ओजाःतेरा भगवानराः नपाय सरवन 10:40

अपेकू नेत-नेवारता हँकुःआ होड़कू ईंगकू नेत-नेवारता, अरू ईंगकू नेत-नेवारता हँकुःआ होड़कू ईंगे वारकेरा हाँयग भगवानकू नेत-नेवारता।

मती ओजाःतेरा भगवानराः नपाय सरवन 10:14

अरू तोनोंगीग अपे मेरकू नेत-नेवारपे अरू अपेराः कता मेरकू अयूमगे दो, हँकूराः सहर सहे ओड़ाः अते अपे उडुंग मेला अपेराः काट अते धुंदराकून कोटा एंडा अटूपे।

3 एहुना 1:7

नँकुःआ होड़कू ईसूराः सेवा लगा अँकू ओड़ाः अते एटाः एटाः देसकू सेनता अरू बेगर बिसवासी होड़कू अते तोनोंग इयाःआ संघरा ओरोकू गोःतेरा।

3 एहुना 1:9

ईंग कलसियारिकुःआ होड़कू लगा तोनोंग तोनोंगिंग ओजाःकेरा। हँकुःआ होड़कू अते दियुतिरुपेस ञावीग होड़ जमाकू अते मरंग बड़ाँः लगाय चहाःतना अरू हाँय ईंगराः कता मेरेय मनाःता।