3 एहुना 1:1 - Korwa Bible

¹ ईंग मूक होड़, सतायिंग दुलारगेयतना ईंगरीग सउंगता गयूस लगा नाःआ चिठीयिंग ओओजाःतना।

3 एहुना 1:1 Referans Kwoze

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

1 कुरिंती 1:14

ईंग किरिसपूस अरू गायूस एकला बतिसमायिंग एमेवाडकिना अरू अपे अते तोनोंगीग ईंग बतिसमा मेरिंग ओवागाडपेःआ। हनालगा भगवानिंग धनियाबादतना।

रूमी 16:23

गयूसराः ओड़ाःरे ईंग दोहोनता अरू नंडाकुःआ बिसवासी होड़कू हाँयराः ओड़ाःरेकू जुमाःता। हाँय अपेय सलामतना। नाःआ सहरराः आन-धानकूनराः हातपात होड़ इरासतूस अपेय सलामवातना। अरू कुवारतोस हों अपेय सलामतना।

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

मूक चेलाकू 20:4

बिरिया सहररीग पिरूसरीग बेटात सोपतरोस, अरिसतरकूस, तिसलूनिका सहररीग सिकंदूस, दिरबेरीग गायूस, आसिया राइजरिकिनाः तुकिकूस अरू तुरोपिमूस, अरू तिमुतियूस, हँकू जमाकू हाँय सुदाकू सेनेडा।

मूक चेलाकू 11:30

हँकू हनन इयाकू एचेतेरा अरू एरुसलेमराः कलसियारिकुःआ अगुवा होड़कू एचेरे एमेय लगा बरनाबास अरू साहूल एचेरे पुंजी पसारकू एमेगोतेड।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

3 एहुना 1:2

ईंगरीग सउंगता, आमराः जीव भगवानराः ओंगोल इया नपाय दोहोनता, हना इया आमराः जमा बरानाः जिनिस बगरा जुवाः अरू नाय नपायतेम दोहोन लगा भगवान एचेरेयिंग अरजीतना।