2 तिमुतियूस 4:1 - Korwa Bible

¹ दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

2 तिमुतियूस 4:1 Referans Kwoze

मूक चेलाकू 10:42

अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

1 तिमुतियूस 5:21

दो ईंग बेटा तिमुतियूस, भगवान, ईसू मसी अरू भगवानरिकुःआ सुनावतो सेरमो देसरिकुःआ बराहीलकू मड़ंगरे, मड़ंग आमिंग उदुःवारा हना इया जमा होड़कू सुदा बेगर पाचपटीतेम एचेय लगा सेतावकेडमेखनिंग हुकुमवामतना।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

1 पतरस 5:4

दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

1 पतरस 4:5

जीयत इदानकुःआ हँकुःआ होड़कू अरू गोएगतो होड़कू, जमाकू भगवान फड़ियावकूता। हनानाः दिन हँकू जमाकू अँनकूराः बुता बदीरे भगवान एचेरे आभा एएमे पराःता।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

2 तिसलूनिका 2:8

कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

2 पतरस 1:11

अरू अपे ईंग कताकेरा हनन इयापे जियाः दो अबूरीग परबू अरू सडावदार ईसू मसीराः ओरो लुलिगनेना हना देसरे मुरुक मान मरजइततेपे बोलो अवेनता।

लूका 23:42

हनते हाँय कताया, “ने ईसू, आम राइजगेता हनमेला ईंग होंम उहियार।”

लूका 19:15

हना तयोमरे हाँय राजाय बड़ाँवयान अरू अनँयग ओड़ाःय कुदा वेगयान। सोनाराः रिचकी ढिबुवाकूने एमेतेरा, हँकुःआ होड़कू करा इया पुंजीकू बड़हावकेरा हना जासगे लगाय राःतेडकुःआ।

लूका 19:12

“मी होड़ गिरहत होड़ मीटोंग लंका देसरे राजा बड़ाँवकियानखन कुदन लगा हना देसरेय सेनेडा।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

2 पतरस 1:17

ईसू मसी, अपांग भगवान अगीते मान-मरजइते पवावनेना हनमेला, विड़चेड़तो मरसल सुदा भगवानराः अरो सेरमो होरतेले अयूमतेरा, नाँय ईंग ननायगुःतना ईंगरीग दुलार बेटा हवे, माःआन।

कुलूसी 3:4

ईसू मसी अबूराः जीव हवे, अरू हाँय अनँयग एचे ञिलुः मेला, अपे हों हाँय सुदापे ञिलुःता अरू हाँय सुदा मान मरजइतपे पवाःता।

2 तिमुतियूस 1:10

दो नुँहू होड़कू गोएगकूता हना जंगर हरुवाव एंडाकेडखन नपाय सरवनते ओरो टुटीगनेना हना जीवराः दूरे उदुःगोतेरा अबूरीग सडावदार ईसू मसी एचे ञेलनेना अरू भगवानराः मया अबूय ओवाडबुःआ।

2 तिमुतियूस 4:18

भगवान जमा बेलूर अतेय सडावगींगता अरू आँयगराः सेरमो देसरे नाय नपायतेय गोः सोदोरगिंगताय। हनाँयराः मान मरजइत जमा जूग वरी होनोयागोड ञवन। आमीन!