2 तिमुतियूस 3:6 - Korwa Bible

⁶ हँकुःआ होड़कू अते अदोम होड़कू तोनोंगाः ओड़ाःरे बोनाव बोनावकू बोलो जुवाःता। हनते मुरुक कसूरते जंतावतोकू दोहोनता अरू अँनकूराः बेलूर ओंगोलरेकू रोयोँकूता हँकुःआ मेलंग मिचिंग अइमीकू एचेरे सेनेवाडखन अँननकूराः आड़रेकू दोहोगोडकूता।

2 तिमुतियूस 3:6 Referans Kwoze

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

2 पतरस 3:17

दो ईंगरिकुःआ अजी बोपोहकूतिंग, अपे नाःआ कताकून मनाड़ंगतेपे सुदीकेरा। हनालगा अपे सवासितीपे दोहोन, जेमहा बेलूर होड़कूराः लबरा चेडतोरे अहापे बहकाः अरू सताय कताकून अहापे अड़ाः एंडागे।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

जूदा 1:18

हँकू अपे एचेरेकू कतातेरा, चउंदीस टुटीगगुः अते मड़ंगाः बेला परबू अरू आँयगरिकुःआ होड़कूकू लंदावाता हँकुःआ होड़कू वेगता अरू जमा बरानाः बेलूर बेलूर बुताकूनकू एचेयता, माःआन।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

1 कुरिंती 12:2

अपे सुसुदीतना, अपे बेगर बिसवासी होड़कूपे दोहोन मेला, मेर अयुमेता हना मुरतीकूनपे सेवा लगा अपेके आँच परावनेना अरू हनानाःपे सेवागोड ञवना।

मरकूस 4:19

मनदो हना सरवन चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर जोःता।

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

1 तिमुतियूस 6:9

गिरहत होयाः लगाकू ओंगलेता, हँकुःआ होड़कू एटाः एटाः इयाःआ ललचीराः कसूररेकू दाः जुवाःता अरू बेलूर बेलूर ओंगोल दूररेकू सलाव जुवाःता अरूकू लाय जुवाःता।

मती ओजाःतेरा भगवानराः नपाय सरवन 11:28

ने भजल-तकल अरू बोझारे इदानपेःआ होड़कू, अपे ईंग एचेरेपे वेग, दो ईंग अपे लोड़ोन लगायिंग एमेवापेता।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

1 तिमुतियूस 5:6

मनदो अनँयग बहालगुः लगा एकलाय ओंगोल ञवनता हाँयग रंडियाहीन जीयात इदानीग हों गोनेगतो इदानिया।

मती ओजाःतेरा भगवानराः नपाय सरवन 23:14

[ने पचघुचिया नियम चेडदार होड़कू अरू फरीसी होड़कू, अपेराः जीव नपाय ओरो दोहोनेना। अपे रंडियाहीन अइमीकूराः ओड़ाःराः जमा जइतकूनपे अडिग जोमता। होड़कू उदुःवाकू लगा अपे मुरुकपे अरजीता। हनालगा भगवान अपे मुरुके डंडियावपेता।]