2 तिमुतियूस 3:3 - Korwa Bible

³ हँकू एटाःकू ओरोकू अलार-दुलारतेडकुःआ अरू सलसतिया होड़कू मेरकू दोहोनता, एटाःकू बेगइतकू कतावाकूता अरू ओंगोल समझाः घड़ीन ओरोकू दोहोनेना। हँकू जमा इयाःआ नपाय कताकू एरांगवाता अरू तुड़ेंग-तपेग होड़कू होया जुवाःता।

2 तिमुतियूस 3:3 Referans Kwoze

जूदा 1:18

हँकू अपे एचेरेकू कतातेरा, चउंदीस टुटीगगुः अते मड़ंगाः बेला परबू अरू आँयगरिकुःआ होड़कूकू लंदावाता हँकुःआ होड़कू वेगता अरू जमा बरानाः बेलूर बेलूर बुताकूनकू एचेयता, माःआन।

रूमी 1:31

हँकू बोको होड़कू, अडिग होड़कू, केठा होड़कू अरू कटराहा होड़कू इदानकुःआ।

मती ओजाःतेरा भगवानराः नपाय सरवन 10:21

वगत अनँयग बोहोत एचे साबकेडखन अरू अपात बेटात एचे साबकेडखन ञेड एंडाय लगाकू जिमागेयता। अरू लइंकू अँननकूरिकुःआ एंगा-अपा घंटावकेडखनकू ञेड एंडागोडकूता।

2 पतरस 2:14

हँकू जमा बेला सनहा-सनही ओंगोलरेकू दोहो ञवनता, अरूकू कसूरगोड ञवनता। हँकू बुकली-बोको होड़कू एचे कसूरकू लगाकू लहरावकूता। हँकू लुभिया ओंगोल लगाकू हेवायना अरू भगवान अगीते सती-सरापतो इदानकुःआ।

1 तिमुतियूस 3:11

कलसियारिकुःआ सेवकियायीनकू हों ननन इया मान मरजइतगेयीगकू, जमालेःआ भरसागेयीगकू अरू ओंगोल समझाः अइमीकू दोहोन इदा। हँकू बझउड़ी अइमीकू अलोकू दोहोन।

मती ओजाःतेरा भगवानराः नपाय सरवन 4:1

हना तयोमरे सुद बिरुवा ईसू टयंगाब ततेर अगी अगुवाइतिरिया। अरू हंडा कलउ ईसू अंदजावगेय लगाय दोहोना।

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

उदुःतो कताकून 16:6

मुदइ होड़कू आमराः बड़रा कता होड़कू अरू आमरिकुःआ सुद होड़कूराः बलंगीकू एचे तूतेरा, हनालगा आम, हँकूके पवाः लगा दोहोना हनन इया हँकू बलंगीम एचे ञूतेडकुःआ।”

उदुःतो कताकून 13:17

निही दो तोनोंगीग तोनोंगाः जिनिस ओरोकू किजा अवेतेरा सहे ओरोकू अकिरिंग अवेतेरा। हना चिनहा हाँयग जानरराः ञाव अरू हाँयराः ञावराः नमार उदुःता।

उदुःतो कताकून 13:15

हाँय जानरराः मुरतीरे साँस ओंग लगा जंगरे पवावकिया, जेमहा हना मुरती बुतुड़ु अवेन अरू हना मुरती मेरकू जागगेयता, हँकुःआ होड़कू ञेड एंडाकू लगा हना मुरती हातपाते पवावकिया।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

एकूब 2:6

अपे गरीब होड़कूराः जीवपे एचे बेग-हताकेरा। मनदो गिरहत होड़कू ना लवे जा अपेकू सिकिसतापेता अरू कोट कछेरीरेकू गोः इदीपेता?

तितूस 2:3

ननन इया सपायाड़ीनकू हों भगवानराः अकूस मनाः घड़ीन बझउड़ी अरू दरुवाहा अइमीकू अलोकू होयाः। मनदो भल-भलाय कताकून एटाःकू चेडकू लगा इदा,

तितूस 1:8

मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।

1 तिसलूनिका 4:8

हनालगा तोनोंगीग होड़ नाःआ कताय आड-बेकारवा दो, हाँय होड़कूराः कता मेरेय आड-बेकारवाता, मनदो अबू लगा आँयगराः सुद बिरुवाय एमेयता हनाँयग भगवाने आड-बेकारवाता।

1 कुरिंती 7:9

मनदो अपे अँननपे मेरपे संभाड़ अवेगुः दो अपे बियाह जुवाःपे। अपे लहाः लहाः लगातना अते बिनियाह जुवाः अपे लगा ननपाय इदा।

1 कुरिंती 7:5

तोनोंग इया होयाः, अलोपे बरजाव होड़ेंग। मनदो तोनोंग बेला वरी, अरजी लगा मी रायकियानखन एटाः एटाःरेपे दोहो अवेनता। हना तयोमते अपे मिनीरेपे जुमाव जुवाः, अरू अपे संभाड़गुः घड़ीनपे दोहोन अते कलउ अपे अरोय अंदजाव अवेतेडपेःआ।

एहुना 6:70

दो ईसू कतातेड, “ईंग इनिंगते अपे बारहो होड़कूयिंग सुनावकेडपेःआ। हनारे हों अपे अते मी होड़ कलउरीग होड़ हवे।”

लूका 16:14

ललचीकू दोहोना हँकुःआ फरीसी होड़कू, ईसूराः बड़रा अयूमवाडखन हाँयकू लंदावाःआ।

लूका 10:16

हनते ईसू चेलाकू एचेरेय कताया, “अपेराः बड़राकू मनाःता हँकू ईंगराः बड़रा होंकू मनाःता अरू अपेराः बड़रा मेरकू मनाःता हँकू ईंगराः बड़रा मेरकू मनाःता। अरू ईंगकू आड-बेकारवाता हँकू ईंगे वारकेरा हाँयकू आड-बेकारवाता।”

2 पतरस 2:19

तोनोंगाः कसूरे कनासूरगोड ञवनता हाँयग होड़, हनानाः कसूरराः बेगारी होड़े बड़ाँव जुवाःता। अरू हँकू एटाःकू अजइतकू लगाकू जबानगेता, मनदो अँननकू हनानाः कसूरराः बोझारे इदानकुःआ।

रूमी 1:29

हँकूराः जीव जमा बरानाः कसूरते, बेलूरते, लुभियाते, टेनसाहाते, इराते, कड़ीगते, ञेड एंडाते, चुबली होड़ेंगते, बेलूर लूर-नेवनते अरू ओपता बड़राते पेरेगतो इदा।