2 तिमुतियूस 2:8 - Korwa Bible

⁸ ईंग परसार उदुःतेरा हना नपाय सरवन इया, दाऊद राजारीग नइड़-बाँस होड़े दोहोना अरू गोएगतो अतेय जियाव रेमकिया हाँयग ईसू मसीम उहियार।

2 तिमुतियूस 2:8 Referans Kwoze

मूक चेलाकू 2:24

मनदो हाँय गुनुजुः गुजुःराः आड़रे ओनोरोय दोहो अवेनेना। हनालगा भगवान हाँय गुजुः अते सडावतिरिगखने जियाव रेमकिरिया।

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

2 तिसलूनिका 2:14

अले अपे एचेरे ईसू मसीराः नपाय सरवनले कता उदुःतेरा अरू हना सरवनते भगवान, अपे ईसू मसीराः मान मरजइतरे मेसान लगाय राःकेडपेःआ।

मती ओजाःतेरा भगवानराः नपाय सरवन 1:1

ईसू मसीराः खुटिपरिया होड़कूराः सूची कागद नाःआ इया इदा। ईसू मसी इबराहीमरीग नइड़-बाँस होड़ अरू दाऊद राजारीग नइड़-बाँस होड़ होंय दोहोना।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

1 कुरिंती 15:4

हनते हाँयकू तीलगोतेड अरू भगवानराः कागदरे ओजाःतो इदा हनन इया पेनेय दिनरेय जियाव रेमकिया।

उदुःतो कताकून 5:5

हनते मूक होड़कू अते मी होड़ ईंग एचेरेय कतातेरा, “अलोम इयाम। ञेलमे! एहूदा गोतोर अतेय जनमावकिया हाँयग कूल अरू दाऊद राजारीग डइड़-पखुड़ा, हाँय जितावकिया। हनालगा हाँय हना तोलतो कागद अरू मोहर लड़ा जुकूर इदानिया।”

1 तिमुतियूस 1:11

अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

1 कुरिंती 15:1

ने ईंगरिकुःआ अजी बोपोहकूतिंग, ईसू मसीराः नपाय सरवन अपे मड़ंगिंग कता उदुःवातेडपेःआ। अरू हनानाः सरवन अपे नुँहू उहियारगे लगायिंग चहाःतना। अपे हना सरवनपे बिसवासकेरा अरू बड़ियाड़ इदानपेःआ।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

मूक चेलाकू 13:23

अरू हाँयग दाऊद राजारिकुःआ नइड़-बाँस होड़कू अते इसराएल होड़कू लगा, भगवान जबानतेरा हना इया, मी होड़ सडावदार ईसूय एमेतेरा।

मूक चेलाकू 2:30

मनदो हाँयग दाऊद राजा भगवानराः बड़रा कतायीग होड़े दोहोना अरू हाँय सुदीया, भगवान ईंग एचेरे किरिया जोमकेडखने जबानतेरा, आम तयोमरे आमरिकुःआ नइड़-बाँस होड़कू अते मी होड़ राजा आमराः गदीरेयिंग एचे दुड़ुःगेयता, माःआन।

लूका 24:46

हाँय कताया, “भगवानराः कागदरे नाःआ इया ओजाःतो इदा, मसी कटसिया सहावकेडखने गुजुःता अरू पेय दिनरेय जियाव रिमुःता।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

2 तिमुतियूस 2:7

आम एचेरेयिंग कतायतना, हना कता उहियार दोहोगोड ञवनमे अरू भगवान जमालेःआम सुदी अवे लगा कनहूने एमेवामता।