2 तिसलूनिका 3:7 - Korwa Bible

⁷ अपे अँननपे सुसुदीतना, करा उड़ी अलेरिकुःआ ञेल सिखात होड़कूपे बड़ाँः लगा इदा। अले अपे तलारे दोहोन मेला कुड़हिया होड़कू इया मेरले दोहोगान।

2 तिसलूनिका 3:7 Referans Kwoze

2 तिसलूनिका 3:6

ने अजी बोपोहकूतिंग, परबू ईसू मसी अले एचेरेय एमेकेरा हना हातपातते नाःआ हुकुमले एमेवापेतना। अले चेडतेडपेःआ हना कता तोनोंगीग होड़ मेरेय मनाःता अरूय कुड़हीतान दो, हाँयग होड़ अते तोरेपे दोहोन।

2 तिसलूनिका 3:9

अपे एचेरे संघरा असेगे लगा अलेके हातपात दोहोना। हनते हों अँननले मुरुक मिहनइतकेडखनले बुता जोमा, जेमहा अपे अलेरिकुःआ ञेल सिखात होड़कूपे बड़ाँः लगा दावपे पवाः।

1 कुरिंती 4:16

हनालगा अपे जमालेःआते ईंगरिकुःआ ञेल सिखात होड़कूपे बड़ाँः लगा अपे एचेरेयिंग गोड़न-पइयनतना।

1 कुरिंती 11:1

दो ईंग ईसू मसी अते ञेल सिखात होड़ इदानिंगा, हनन इया अपे हों ईंग अते ञेल सिखात होड़कूपे बड़ाँः।

पिलिपी 3:17

ने अजी बोपोहकूतिंग, अपे जमाकू ईंग इया नपाय लूर-नेवनपे सलाः। अरू अले इया नपाय लूर-नेवनतेकू सलाःतना, हँकुःआ होड़कूपे सहियार।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

1 तिमुतियूस 4:12

ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

पिलिपी 4:9

ईंग अपेयिंग चेडकेरा अरूयिंग कता उदुःतेरा अरू अपे ईंग अतेपे अयूमकेरा अरू अपे ईंग एचेतपे ञेलकेरा, हना जमाकूनपे मनावगोड ञवन। दो सलसत एमेवाबूता, हाँयग भगवान अपे सुदाय दोनोहोनता।

1 पतरस 5:3

अपे एचेरे भगवान जिमाकेडकुःआ हँकुःआ होड़कू एचेरे कटराहा होड़कू इया अहापे हातपातगे। मनदो बिसवासी होड़कू लगा मीटोंग नपाय चिनहा इयापे दोहोन।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।