2 तिसलूनिका 2:12 - Korwa Bible

¹² हँकुःआ होड़कू बेलूर बेलूर एचेय लगाकू मंजूरवाता अरू सताय सरवन ओरोकू बिसवासतेरा, जेमहा हँकू भगवानते डंडकू पनावाः।

2 तिसलूनिका 2:12 Referans Kwoze

रूमी 1:32

हँकू भगवानराः नियम नपायतेकू सुदीयता, नाःआ इया बेलूर बुताकू एचेयता हँकुःआ होड़कू गुजुःराः डंड पनावाः जुकूर इदानकुःआ। हनते हों हँकू हनानाः कसूरकूनकू एचेगोड ञवनता अरू हनानाः कसूरकून एचे ञवन लगा होड़कूकू लहराव ञवनता।

मरकूस 16:16

नाःआ सरवनकू बिसवासकेडखन बतिसमाकू गोःता, हँननकुःआ होड़कू भगवान सडावकूता। मनदो मेरकू बिससवासगेता, हँकुःआ होड़कू भगवान डंडियाकूताय।

रूमी 2:8

मनदो अदोम होड़कू अँननकूराः नफा लगाकू ञामता। हँकू सताय कता अड़ाःकेडखन बेलूर कताकू मनाःता। अरू हँकुःआ होड़कू एचेरे भगवानराः रीस रंजाव जुवाःता।

1 तिसलूनिका 5:9

भगवान अबू डंडियावबू लगा मेरेय सुनावगडबुःआ, मनदो अबू लगाय गोएगनेना अबूरीग परबू ईसू मसीते अबू सडावबू लगा भगवान सुनावकेडबुःआ,

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

एहुना 3:36

बेटात एचेरेय बिसवासगेता हाँयग होड़ ओरो टुटीगनेना हना जीवे पवाःता। मनदो बेटाते आड-बेकारवाता हाँय, ओरो टुटीगनेना हना जीव ओरोय पवावनेना अरू भगवान हाँय सुदा मुरुक रीसतोय दोहोनता।”

मरकूस 14:11

हँकू नाःआ बड़रा अयूमतेडखन मुरुककू बहालयान अरू जूदा इसकरियोती लगा ढिबुवा एमे लगाकू जबानतेरा। अरू हाँय, ईसू एचे साबगेय लगा दोंगे ञामा।

3 एहुना 1:11

ने ईंग सउंगता, तोनोंगीग होड़राः बेलूर लूर-नेवन इया अलोम जियाः, मनदो नपाय लूर-नेवनतेकुःआ होड़कू इयाम जियाः। तोनोंगीग होड़ नपाय नपाय बुताय एचेयता हाँय भगवानरीग होड़ हवे। मनदो बेलूर बुताय बुताता हाँयग होड़ भगवान कहियो मेरेय ञेलगरिया।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

1 कुरिंती 13:6

हाँय बेलूर बुतारे मेरेय ननायगुःता, मनदो सताय कताकूनरेय ननायगुःता।

2 तिसलूनिका 2:10

हाँय, सडावकेकुःआ हना सताय सरवन मेरकू दुलारगाड हँकुःआ लायतो होड़कू, जमा बरानाः बेलूर बुताकूनतेय अडिगगोडकूता।