2 तिसलूनिका 1:5 - Korwa Bible

⁵ नाःआ जमा कताकूनते अबू सुदीयता भगवान जमा होड़कू नपायतेय फड़ियावकूता, अरू आँयगराः देस बदीरे कटसियापे सहावतना हना देस जुकूर अपेय बड़ाँवगोडता।

2 तिसलूनिका 1:5 Referans Kwoze

पिलिपी 1:28

अपेकू घंटावता हँकुःआ होड़कू सुदा अहापे बोर। अपे डीड़तेपे दोहोन दो, हँकुःआ होड़कू सुदीगोडता, भगवान अबूय लाय एंडाबूता, मनदो हाँय हँकूय सडावकूता, माःआन।

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

उदुःतो कताकून 19:2

आमराः फनड़ियाव नपाय अरू सताय इदा। मरंग सनही अइमी अनँयग सनही बुताते चउंदीसरिकुःआ होड़कूय एचे बेलूरगोतेडा, अरू आमरिकुःआ सेवकियाकूकू ञेड एंडातेरा हनालगा हाँयग मरंग सनही अइमी बाबील सहरमे फड़ियावकेडखन हनाराः बदलाम कुदाकेरा।”

लूका 20:35

मनदो गोएगतो अते जियाव रिमुः जुकूर अरू हना जूगरे दोहोन जुकूर इदानकुःआ हँकुःआ होड़कू ओरोकू बियाहनेना अरू ओरोकू एचे बियाहतेडकुःआ।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

2 तिसलूनिका 1:11

दो भगवान अपेय राःकेडपेःआ हनानाः जीव जुकूरेय बड़ाँवगोडपे लगा अरू अनँयग जंगरतेय अपेराः बिसवासराः जमालेःआ नपाय बुता अरू हिछा एचे पुरावगे लगाले अरजीगोड ञवनतना,

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

उदुःतो कताकून 16:7

हनते ईंग धाम अगीते मीटोंग अरोयिंग अयूमतेरा, “हाव, ने अगम जंगरदार परबू भाबी भगवान, आमराः फनड़ियाव जनामा सताय अरू नपाय इदा।”

उदुःतो कताकून 15:4

ने परबू, इये आम सुदा ओरोय बोरोनेना, अरू आमराः ञाव इये ओरोय जागतेरा? अनम एकला सुद इदानमेःआ। आमराः जमा नपाय बुता होड़कू सुदीगोतेरा, हनालगा जमा जइत होड़कू वेगकियानखन आमकू जागता।”

उदुःतो कताकून 3:4

मनदो अपे अते अदोम होड़कू अँनकूराः सोनहे कसूरते मेरकू मइलागरा। हँकू ईंग जुकूर इदानकुःआ। हननलगा हँकू उजड़ सोनहे तुसिंगकेडखन ईंग सुदाकू दँड़ाता।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

कुलूसी 1:12

दो अपांग भगवान मरसलराः राइजरे, आँयगरिकुःआ सुद होड़कू लगा इदा, हना इताडराः बंटापे पवाः लगाय सुनावकेडपेःआ। हनालगा हाँयपे जागगोड ञवन।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

रूमी 2:5

आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”