2 तिसलूनिका 1:4 - Korwa Bible

⁴ हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।

2 तिसलूनिका 1:4 Referans Kwoze

इबरानी 10:36

अपे सहावगोड ञवन लगा इदा, जेमहा भगवानराः हिछा पुरावकेडखन हाँय जबानकेरा हनापे पवाव जुवाः।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

1 तिसलूनिका 2:19

परबू ईसू कुदा वेगता हनमेला इये बदीरे भगवान एचेरेले असरा, इये बदीरेले बहालगुः अरू इये बदीरेले भल-भलायगुः?

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

2 कुरिंती 7:14

अपे बदीरे हाँय एचेरे ईंग मुरुक ईंग भल-भलायनेना। अरू अपे ईंग मेरपे गियू ओवाडिंगा। अले अपे बदीरेले कतातेरा हना जमाकून सताय दोहोना अरू हनन इया अपे बदीरे तितूस एचेरेले भल-भलायनेना हना हों सनाताय होयायान।

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।

1 कुरिंती 7:17

नाःआते हों परबू मेमेड होड़ लगाय जिमाकेरा हना दहिन इया अरू भगवान राःकेडकुःआ हनन इया जमा होड़कू जियाः लगा इदा। जमा कलसियारिकुःआ होड़कू लगा ईंगराः हुकुम ननानाः हवे।

2 पतरस 1:6

अरू कनहूनदारपे दोहोन मेला अपेराः जीव ओंगोल समझाव घड़ीनपे दोहोगे, अपे ओंगोल समझाव घड़ीन जीवपे जियाः मेला अपे जमा बेला सहाव घड़ीनपे दोहोन। अरू सहाव घड़ीन दोहोन मेला भगवानराः ओंगोल इयापे दोहोन।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।

2 तिसलूनिका 3:5

भगवान करा इया अबूय दुलारकेरा अरू ईसू मसी करा इया कटसियाय सहावतेरा हना अगी अपेराः जीवे अगुवाइवापे लगाले अरजीतना।

2 कुरिंती 9:4

दो मकुदिनियारिकुःआ बिसवासी होड़कू अते तोनोंगीग ईंग सुदाकू वेग अरू अपे सपड़ावतो मेरकू ञेलपे दो, चुवामन जा अले मुरुक भरसा घड़ीनले दोहोन अते, अले अरू अपे होँपे गियू जुवाःता।

2 कुरिंती 9:2

अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

रूमी 8:25

मनदो नुँहू अबू एचेरे कोवानेःआ, हनानाः लगाबू असराता दो, हन अरीनबू पवाः वरी सहाव घड़ीनबू तंगीगोड ञवनतना।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

इबरानी 6:12

अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।