2 तिसलूनिका 1:3 - Korwa Bible

³ दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

2 तिसलूनिका 1:3 Referans Kwoze

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

2 तिसलूनिका 2:13

ने अजी बोपोहकूतिंग, सुद बिरुवाराः बुताते अपेराः जीव सुदयना अते, अरू परबू ईसू मसीराः सताय सरवनरेपे बिसवासगेतान अते, भगवान अपे मड़ंगाः जोःओ इयाय सडावकेडपेःआ। हनालगा अपेय दुलारपेतना हाँयग भगवान एचेरे, अले अपे बदीरे जमा बेलाले जागगोड ञवन लगा इदा।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 तिसलूनिका 3:9

अले भगवान एचेरे अरजी मेला अपे बदीरे मुरुकले बहाल जुवाःता, अरू अपे बदीरे भगवान मुरुकले जागगेयता। हनारे हों करा उड़ीले पुराव अवेय?

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

2 पतरस 1:13

इनीसू मसी ईंग एचेरेय कताकेरा, आमराः सेर हलीते अधे वेगतना, माःआन।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

इपीसी 5:20

अरू परबू ईसू मसी अबू लगाय एचेकेरा हना जनामालेःआ लगा अपांग भगवान जमा बेलापे धनियाबादगोड ञवन।

1 कुरिंती 1:4

ईसू मसीते भगवान अपेय मयावारा। हनालगा अपे बदीरे जमा बेला भगवानिंग धनियाबादगोड ञवनता।

लूका 17:5

ईसूरिकुःआ मूक चेलाकू परबू एचेरेकू कताया, “अलेराः बिसवासमे बडे।”

लूका 15:32

मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”

2 कुरिंती 10:15

भगवान अलेय जिमावारा हनानाः सेवा अड़ाःकेडखन एटाः होड़कूराः सेवा बदीरे अलेराः सेवा हवे माःआन, मेरले भल-भलायगुःता। मनदो अले असरातना, अपे बिसवासरेपे बड़ियाड़ जुवाःता, अरू अपे तलारे अलेराः सेवा हों अरू बगरा होयागोड ञवनता,

2 तिसलूनिका 2:1

ने वपक बोपोहकूतिंग, परबू ईसू मसी कुदा वेग मेला, भगवान हाँय सुदा मिनीरेय जवारबूता हना बदीरे, अले अपे एचेरेले असेयतना,