2 पतरस 3:9 - Korwa Bible

⁹ अदोम होड़कू ओंगलेता, परबू अनँयगराः जबान एचे पुरावगे लगा कुबेरगेताय, माःआन। मनदो हाँय मेरेय कुबेरगेतना। हाँय मेरेय चहाःता तोनोंगीग लाय एंडा जुवाः, मनदो जमा होड़कू कसूर अते जीवकू कुदा लगा बेलाकू पवाः लगाय चहाःतना। हनालगा हाँय अपे सुदा सहाव घड़ीन इदानिया।

2 पतरस 3:9 Referans Kwoze

1 तिमुतियूस 2:4

हाँय जमा होड़कू कसूर अतेकू सडाव जुवाः लगा अरू सतायकू सुदीगोड लगाय चहाःतना।

रूमी 2:4

भगवान आम सहाव घड़ीने मयावामतना दो हना आम हुनुडिंगमे ओंगलेतना जा? भगवान ईंग मयावाडखन ईंगराः कसूर अते जीव कुदागे लगा दोंगे ओवायिंगतना, माःआन आम मेरेम बुझाःता जा?

उदुःतो कताकून 2:21

हाँय कसूर अते जीवे कुदा लगा दोंगिंग ओवातिरिंगा। मनदो हाँय बेलूर बुता अड़ाःगे लगा मेरेय चहाःतना।

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।

1 तिमुतियूस 1:16

हनारे हों ईसू मसी ईंग मयावाडखन ईंग मुरुके सहावकिरिंगा, जेमहा ओरो टुटीगनेना हना जीव लगा हाँय एचेरेकू बिसवासगेता हँकुःआ होड़कू लगा ईंग मीटोंग चिनहा इयायिंग दोहोन।

इबरानी 10:37

भगवानराः कागदरे ओजाःतो इदा, “गुनहोन तयोमरे वेग लगा इदानिया हाँय वेगता, अरू हाँय ओरोय कुबेरतेरा।

रूमी 9:22

हनन इया भगवान हों इदानिया। हाँय एचेरे अनँयग ओंगोल इया एएचे लगा हातपात इदा। कसूरकेडखन डंडकू पवावकुःआ, हँकुःआ होड़कू एचेरे भगवान रीसकियानखन अनँयग जंगरे उदुः अवेकेःआ, मनदो हाँय हँकू एचेरे सहाव घड़ीने दोहोना,

1 पतरस 3:20

तोलतोकू दोहोना हँकुःआ गोएगतो होड़कू नूहराः जूग परियारे भगवानराः कता मेरकू मनावगान हँकुःआ होड़कू हवे। हनमेला नूह मरंग दाः जहाजे तुलाःआ अरू होड़कू भगवान एचेरे बिसवासगे लगा, भगवान सहाव घड़ीने तंगी ञवना। मनदो आठगोटोंग होड़कू एकला हना दाःतेकू बनसावनेना।

रूमी 13:11

दो नाःआ जमाकून अपे एनेचेगोड ञवन लगा इदा। अबू ईसू मसी एचेरेबू बिसवासकेरा हना वरीते, भगवान अबू जमालेःआतेय सडावबूता, हना दिन लेनेसान इदा। हनालगा अपे नाःआ जूग बदीरे नाय नपायते सुदीकेडखन अपीगतो होड़कू इया अहापे दोहोन, मनदो बेरेडकियानखन सवासितीपे दोहोन।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

2 पतरस 1:4

अरू अबू नाःआ मरंग अरू मुरुक किमइताः जबानकूनबू पवावकिया, जेमहा अबू हना जबानते, चउंदीसरिकुःआ होड़कूराः ललची ओंगोलते होयाःता हना बेनेलूराः नेवन अतेबू बनसाव जुवाः अरू भगवानराः लूर-नेवनरेबू मिनी जुवाः।