2 पतरस 3:4 - Korwa Bible

⁴ अरू हँकू कतायता, हाँय कुदा वेगता हना जबान करेन पुराःतान? अबूरिकुःआ खुटिपरिया होड़कू गोएगयनाकू। चउंदीस बुँहड़ीकियान वरीते कहिसाः मेर बदलावगना अरू जमाकून हनन इया सलाव ञवनतना, माःआन।

2 पतरस 3:4 Referans Kwoze

लूका 12:45

मनदो अपे ओंगलेपे, हाँयग सेवकिया होड़ मालिकराः बदीरेय ओंगलेता, मालिक वेग लगाय कुबेरगेतना अरू हाँय एटाः सेवकिया, सेवकियायीनकूय ञेडता अरू आँयग जोम ञूकेडखने बूल जुवाःता।

मती ओजाःतेरा भगवानराः नपाय सरवन 24:48

मनदो हाँयग सेवकिया होड़ बेलूर इदानिया अरू अनँयग आँयगे कतायता, ईंगरीग मालिक वेग लगा कुबेरगेतनाय,

1 तिसलूनिका 2:19

परबू ईसू कुदा वेगता हनमेला इये बदीरे भगवान एचेरेले असरा, इये बदीरेले बहालगुः अरू इये बदीरेले भल-भलायगुः?

मरकूस 13:19

हना बेलारे ओतरिकुःआ होड़कू लगा मुरुक सिकिसता होयाःता। भगवान ओते तुलाकेरा हना वरीते हना बेलारे होयाःता हना इयाःआ सिकिसता मेर होयागना अरू मड़ंग अगी हों नाःआ इया सिकिसता ओरो होयानेना।

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

मरकूस 10:6

चउंदीसराः बुँहड़ीन अते भगवान मरद अरू अइमीय तुलाकेडकिना।

मती ओजाःतेरा भगवानराः नपाय सरवन 24:28

लास दोहोनता हननंडा कुड़ीडकू जुमाःता।”

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मूक चेलाकू 7:60

हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

2 पतरस 3:12

अपे भगवानराः दिन लगापे टकागोड ञवन अरू सेरमो अरू सेरमोराः जमालेःआ जिनिसकून मिनी जूदा सेंगेलते पघलाव जुवाःता हनानाः दिन ओहेन होयाः लगा हली हली बुतागोड ञवन लगा इदा।