2 पतरस 3:10 - Korwa Bible

¹⁰ अबू मेरबू टकायता हनमेला, इनिग होड़ वेगता हनन इया परबूराः दिन निचकाःता, अरू हना दिन सेरमो मुरुक हड़र-हुड़ूरकियानखन टगाव जुवाःता, अरू बेर, बांगो, इपीलकू अरू सेरमोराः जमालेःआ मिनी जूदा पघलाव एंडा जुवाःता। ओत अरू ओतराः जमा तुलात जिनिसकून हों लो एंडा जुवाःता।

2 पतरस 3:10 Referans Kwoze

उदुःतो कताकून 21:1

हनते ईंग नँवा सेरमो अरू नँवा ओतिंग ञेलतेरा। जुनाःआ सेरमो अरू ओत टगाव एंडायान अरू समुंदर हों मेर दोहोगान।

मती ओजाःतेरा भगवानराः नपाय सरवन 24:35

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।”

2 पतरस 3:7

मनदो भगवान अनँयगराः हनानाः सरवनते नुँहुःआ सेरमो अरू ओत सेंगेलते बाल लो एंडागे लगा फड़ियावराः दिन वरीय दोहोकेरा। हनमेला कसूर होड़कूराः फड़ियाव अरू लाय एंडान होया जुवाःता।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”

1 तिसलूनिका 5:2

हनालगा हान तुमिस होयाःता हना बदीरे ईंगके अपे लगा ओओजाः कोवानेःआ।

मरकूस 13:31

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।

2 पतरस 3:12

अपे भगवानराः दिन लगापे टकागोड ञवन अरू सेरमो अरू सेरमोराः जमालेःआ जिनिसकून मिनी जूदा सेंगेलते पघलाव जुवाःता हनानाः दिन ओहेन होयाः लगा हली हली बुतागोड ञवन लगा इदा।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।

लूका 12:39

हनते ईसू हँकू एचेरे एटाः कहड़ीय कतातेरा, “मीटोंग ओड़ाःरीग मालिक इनिग होड़ तुमिन बेलाय वेगता हनाय सुदी दो, हाँय जगलेय दोहोनता अरू इनिग होड़ मेरेय बोलो ओवायता।

उदुःतो कताकून 20:11

हनते ईंग मीटोंग मरंग उजड़ गदीयिंग ञेलतेरा। अरू हना गदीरे मी होड़ दुड़ुःतोय दोहोना। ओत अरू सेरमो हाँय मड़ंग अते ञीरयान अरू हना ओको लगा ततेर मेर दोहोगान।

1 कुरिंती 5:5

हाँयग होड़ कलउ एचेरेपे जिमागोडेय, जेमहा हाँय अनँयगराः बेलूर नेवन अते जीवे कुदा अवे अरू ईसू मसी कुदा वेगता हना दिन हाँयराः बिरुवा बनसाव जुवाः।

रूमी 8:20

हाँय जेहो सकालाःए तुलाकेरा हना जमा आडयना। अरू हना जमा अननते मेर आडगना, मनदो भगवान हनन इया होया लगाय ओवाडा।

जूदा 1:6

अपे सेरमो देसरिकुःआ बराहीलकू बदीरेपे ओंगले। अदोम बराहीलकू भगवान हँकू लगाय एमेवातेडकुःआ हना हातपातरे मेरकू मंजूरवागाड, अरू सेरमो देसराः अँकूराः डेराकू अड़ाःगोतेड। हँकुःआ बराहीलकू डंडियावकू लगा भगवान फड़ियावराः मरंग दिन वरी अंदरा पेंदारे तोनोंगीग ओरोकू सीड अवेतेरा हना सिकिड़ीतेय तोल दोहोकेडकुःआ।

2 कुरिंती 1:14

मनदो ईंगके असरा इदा अपे हना जमालेःआपे बुझावगोड ञवनता। अरू हनाते परबू ईसू कुदा वेगता हना दिन अपे बदीरेलिंग बहाल जुवाःता हनन इया, अपे हों अलिंग बदीरेपे बहाल जुवाःता।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

1 तिसलूनिका 5:4

मनदो ईंग अजी बोपोहकूतिंग, अपे अंदरा अरू रइतरिकुःआ होड़कू कोवापेःआ। हनालगा इनिग होड़ वेगतान मेला होड़कू बयाव जुवाःता हना इया परबू ईसू कुदा वेग मेला अपे ओरोपे बयावनेना।

2 पतरस 3:11

नाःआ इया जमालेःआ पघलाव एंडान लगा इदा दो, अपे करा इया होड़कू बड़ाँः लगा इदा? अपे सुद लूर-नेवनतेःआ अरू भगवानराः ओंगोलरे बेगर गारबारतेःआ जीव जियाः लगा इदा।

उदुःतो कताकून 6:14

हनते सेरमो कोंडोड़तो कागद इया कोंडोड़यान अरू जमा पहाड़कून अरू डुगुकून हों हनानाः ततेर अते चलाःयान।