2 पतरस 1:19 - Korwa Bible

¹⁹ नाःआते अले सुनुदीबाःगेतनाले, भगवानराः बड़रा कता होड़कूराः कता सताय हवे, माःआन। हँकू ओजाःतेरा हना सरवन तिंगीड घड़ीनपे मनाः। नाःआ सरवन अंदरारे निंदावा वरी मरसल एमेयता हना ढिबरी इया इदा। हनते अंगुः इपील इदानिया हाँयग ईसू मसी, अपेराः इंदरीरेय विड़चेड़ता।

2 पतरस 1:19 Referans Kwoze

उदुःतो कताकून 22:16

ईंग ईसू, आम नाःआ कताकून जमा कलसियारिकुःआ होड़कू एचेरेम कता उदुः लगा, ईंगरीग बराहील आम एचेरेयिंग वारकिरिया। ईंग दाऊद राजारीग डइड़-पखुड़ा अरू नइड़-बाँस होड़ हवे, अरू ईंग टेडेगता हाँयग अंगुः इपील हवे।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

उदुःतो कताकून 2:28

अरू ईंग जितावबाः जुवाःता हाँयग होड़ लगा अंगुः इपीलिंग एमेवायता।

एहुना 5:35

एहुना विड़चेड़तो अरू सलगाःतो ढिबरी इयाय दोहोना अरू अपे तोनोंग बेला वरी हाँयराः कता मरसल इया भगवानराः सतायरे सलाः लगापे संघरावाया।”

मती ओजाःतेरा भगवानराः नपाय सरवन 4:16

अंदरारेकू दोहोना, हँकुःआ होड़कू मुरुक विड़चेड़तो मरसलकू ञेलतेरा, अरू बेर निंदावारेय उडुंगगुःता, हनन इया गुजुःराः बोतोरतेकू दोहोना हँकुःआ होड़कूराः जीव मरसलयान।”

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 पतरस 1:10

भगवान अपेय मयावाता हना बदीरे हाँयराः बड़रा कता होड़कू मड़ंगरेकू कता उदुःतेरा। अरू भगवान होड़कूय सडावता ननानाः कता बदीरे, मुरुक नपायतेकू जासबाःगोतेरा।

एकूब 2:8

जमा नियमकून अते मइद नियम नानाः हवे, अपे अँननपेरिकुःआ परुसीकू अँननपे इयापे अलार-दुलारकू। अपे नाःआ नियमपे मनाःतना दो नपायपे एचेतना।

मूक चेलाकू 17:11

बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

मूक चेलाकू 15:29

अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

3 एहुना 1:6

हँकुःआ होड़कू नंडाकुःआ कलसियारिकुःआ होड़कू एचेरे आम करा इया हँकूम दुलारकेरा हना बदीरेकू कता उदुःतेरा। हँकुःआ होड़कू आम एचेरे अरूकू वेग दो हनमेला भगवानरिकुःआ होड़कू सुदा करा इया एएचे इदा हनन इया एचेकेडखन नँकू नपायतेम वारगोडकू।

इबरानी 2:2

सेरमो देसरिकुःआ बराहीलकूते भगवान कतातेरा हना सरवन तोल दोहोत दोहोना, अरू हना सरवनकू टड़ावतेरा हँकुःआ होड़कू, बेगर गारबारतेःआ फड़ियावराः डंडकू पनावावनेना।