2 कुरिंती 8:12 - Korwa Bible

¹² तोनोंगीग बिहिरी एमे लगा हाँयराः हिछा इदान दो, आँयग एचेरे कोवानेःआ हना अते कोवान मनदो हाँय एचेरे इदा हनानाः अतेय एमेगोडता दो भगवान हनाए मनेवाता।

2 कुरिंती 8:12 Referans Kwoze

2 कुरिंती 9:7

भगवान बहालते एमेयीग होड़ सुदाय दुलारता। हनालगा अपे रेनहाते सहे बार जीवकियानखन अलोपे एमेय। मनदो अपे अनपेराः इंदरीरेपे ओंगोल दोहोकेरा हिनिनमिनपे एमेय।

1 पतरस 4:10

भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।

लूका 16:10

गुनमिनाःरे भरसागेयीग होड़े दोहोनता, हाँय मरंग मरंगरे हों भरसागेयीग होड़े दोहोनता। अरू गुनमिनाःरे भरसागेयीग होड़ मेरेय दोहोनता, हाँय मरंग मरंगरे हों भरसागेयीग होड़ मेरेय दोहोनता।

2 कुरिंती 8:11

दो नुँहू हनानाःपे बुता पुराव, जेमहा अपेराः हिछा इया पुरावगे लगा सपड़ावतो इदानपेःआ हनन इया अपेराः पुंजी पसर इयापे एमे अवेय।

2 कुरिंती 8:13

एटाः होड़कू अहाल-बहाल जुवाः अरू अपे बोझारेपे दोहोन माःआन अले मेरले चहाःतना। मनदो अपे बरोबइरपे दोहोन लगा ईंग चहाःतना।

2 कुरिंती 8:19

निनमिनाः एकला कोवान, कलसियारिकुःआ होड़कू हाँयकू सुनावकेरा, जेमहा अले बिहिरी इदी अटू लगाले सेन मेला, हाँय हों अले सुदाय सेन। अरू अलेराः नाःआ सेवाते परबूराः मान मरजइत होयाःता अरू अले होड़कू संघरावा लगा सपड़ावतो इदानलेःआ माःआनले उदुः अवेय।

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।

मती ओजाःतेरा भगवानराः नपाय सरवन 25:22

बारटोंग सोनाराः रिचकी ढिबुवाय पवावनेना हाँयग होड़ होंय वेजेडा अरूय कतातेड, ने मालिक, आम ईंग एचेरे बारटोंग सोनाराः रिचकी ढिबुवाम जिमावातेरिंगा। ञेलमे ईंग फेरवइत घड़ीन अरू बारटोंग सोनाराः रिचकी ढिबुवायिंग बुता पुंजियावकेरा।