2 कुरिंती 7:8 - Korwa Bible

⁸ ईंग अपे लगायिंग ओजाःतेरा हना चिठीते अपेराः जीव मुरुकिंग हुडिंगगोतेड। दो ईंग हना बदीरे मड़ंगरेयिंग पसताःआ। मनदो हना चिठीते अपेराः जीव गुनमिन बेला वरी हुडिंगनेना। हनालगा ईंग चिठीयिंग ओजाःतेरा हना बदीरे नुँहू मेरिंग पसताःतना।

2 कुरिंती 7:8 Referans Kwoze

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।

2 कुरिंती 7:11

ईंगराः चिठी बछावनेनखन भगवान अगीते अपेराः जीव हुडिंगनेना दो ओंगलेपे अपेराः जीवरे चिला नफा होयाकिया? अपे बेगर गारबारते इदानकुःआ माःआन उदुःगुः लगापे कुरनिसगेःआ, अपे रीसनेना अरूपे बयावयना, अपे मुरुक ईंग ञेल लगापे उसाडनेना, अपे ओसताजपे दोहोना अरू कसूर होड़कू डंडियावकू लगा सपड़ावतोपे दोहोना। अपे जमा बेला नाःआ कतारे बेगर गारबार होड़कू इदानलेःआ माःआनपे उदुःबाःगोतेडा।

2 कुरिंती 7:6

मनदो हदरावतो होड़कू डीड़े एमेवाकूता हाँयग भगवान अले एचेरे तितूस वारकेडखन अलेराः जीवे अहाल-बहालगोतेड।

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

एहुना 16:6

नाःआ कता अपे एचेरेयिंग कतागोतेरा। हनालगा अपेराः जीव हुडिंगयना।

2 कुरिंती 7:7

तितूस अले एचेरेय वेजेड दो अलेराः जीव अहाल-बहालयान, अरू हाँय अपे सुदाय दोहोन मेला हाँयराः जीव होँपे अहाल-बहालगोतेड। हाँय अपे बदीरेय कतातेरा, हँकू आम बदीरेकू उसाडगुःतना अरू हँकूराः जीव हुडिंग जुवाःता अरू आम लगा मुरुक ओसताजकू दोहोनता, माःआन हाँय अले एचेरेय कता उदुःतेरा दो ईंगराः जीव अनउर अहाल-बहालयान।

2 कुरिंती 7:9

नुँहू ईंग बहालगुःतना। अपेराः जीविंग हुडिंगतेरा हनालगा कोवान, मनदो अपे जीव हुडिंगनेना अते अपे भगवानराः ओंगोल इया जीवपे कुदाकेरा अरू अले अते अपे जीवरे तोनोंगाः हनी मेर होयागना।

2 कुरिंती 7:12

गारबारकेरा हाँयग होड़राः ओजाहते सहे आडकिरिया हाँयग होड़राः ओजाहते ईंग नाःआ चिठी मेरिंग ओजाःगरा। मनदो भगवान मड़ंगरे अले बदीरे अपे ओसताज इदानपेःआ माःआन अपे अँननपे सुदीबाःगोड लगा नाःआ चिठीयिंग ओजाःकेरा।