2 कुरिंती 7:2 - Korwa Bible

² अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

2 कुरिंती 7:2 Referans Kwoze

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

मूक चेलाकू 20:33

ईंग तोनोंगीग होड़राः चाँदी, सोना सहे सोनहे लगा मेरिंग अंदूगान।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

मती ओजाःतेरा भगवानराः नपाय सरवन 10:40

अपेकू नेत-नेवारता हँकुःआ होड़कू ईंगकू नेत-नेवारता, अरू ईंगकू नेत-नेवारता हँकुःआ होड़कू ईंगे वारकेरा हाँयग भगवानकू नेत-नेवारता।

मती ओजाःतेरा भगवानराः नपाय सरवन 10:14

अरू तोनोंगीग अपे मेरकू नेत-नेवारपे अरू अपेराः कता मेरकू अयूमगे दो, हँकूराः सहर सहे ओड़ाः अते अपे उडुंग मेला अपेराः काट अते धुंदराकून कोटा एंडा अटूपे।

पिलेमोन 1:17

हनालगा आम ईसू मसीराः सेवारे आमरीग सेवा देंगवा होड़ इया ईंगमे ओंगलिंगता दो, ईंगमे नेत-नेवारता हान इया उनेसिमूस होंम नेत-नेवारगेय।

पिलेमोन 1:12

ईंग मुरुकिंग दुलारगेयता हाँयग उनेसिमूस आम एचेरेयिंग वारेयतना।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

पिलिपी 2:29

हाँय अपे एचेरेय सेन दो, नाँय ईसू मसीरीग होड़ हवे, माःआन ओंगोलवाडखन मुरुक बहालते हाँयपे नेत-नेवार, अरू नाःआ इयाकुःआ होड़कू, अपे मान मरजइतकू लगा इदा।

2 कुरिंती 11:16

ईंग अरूयिंग कतायतना, तोनोंगीग ईंग बुयांग अलोय ओंगोलगींग। मनदो ईंग बुयांगे ओंगलिंगता हाँयग होड़ बुनुयांग ओंगोलकिडिंगखने सहावया, जेमहा ईंग हों हुडिंगिंग बड़वारगुः।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

लूका 10:8

अपे तोनोंग सहररेपे सेनता अरू हँकुःआ होड़कू अपेकू नेत-नेवारता अरू अपेराः सरवनकू मनाःता दो, अपे मड़ंगरे जोम लगाकू मंडवेता हनापे जोम।