2 कुरिंती 7:13 - Korwa Bible

¹³ नाःआ अते अलेराः जीव अपे बदीरे मुरुक हड़ियाड़यना। अलेराः जीव हड़ियाड़यना अरू तितूसराः जीव हों अपे अते अहाल-बहालयान अते अलेराः जीव अनउर हड़ियाड़यान।

2 कुरिंती 7:13 Referans Kwoze

2 कुरिंती 7:6

मनदो हदरावतो होड़कू डीड़े एमेवाकूता हाँयग भगवान अले एचेरे तितूस वारकेडखन अलेराः जीवे अहाल-बहालगोतेड।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

1 कुरिंती 12:26

मीटोंग दगली हसूरे पराव जुवाःतान दो जमा देह हसूरे दोहोनता। अरू मीटोंग दगलीराः भल-भलाय होयाःतान दो जमा देह दगलीकून अहाल-बहाल जुवाःता।

रूमी 15:32

नाःआते ईंग भगवानराः ओंगोल इया अपे सुदा बहालतेयिंग जुमाव अवेन अरू अबू जमाकूराः जीव हड़ियड़ जुवाः।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

पिलेमोन 1:20

ने ईंगरीग मसी बोहोयिंग पिलेमोन, ईंग असेयतना हनाम एचेगोड। ईंगराः जीव परबू ईसूरेम हड़ियाड़गोड।

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

पिलिपी 2:28

नननलगा ईंग हाँय वारेय लगा मुरुकिंग कुरनिसगेतना, जेमहा हाँय अपे सुदा हों जुमावकियानखनपे अहाल बहाल जुवाः अरू ईंगराः जीव सलसत जुवाः।

2 कुरिंती 7:15

अपे अकूस मनाः घड़ीन तितूस सुदापे जुमावनेनखन हाँयराः जमा कताकूनपे मनावनेना माःआने उहियार अगूयता अरू हनाते अपे बदीरे हाँयराः दुलार अनउर बगरा इदीनता।

2 कुरिंती 2:13

मनदो ईंगरीग बिसवासी बोहोयिंग तितूस सुदा हंडा मेरिंग जुमावगान। हनालगा ईंग जीव नपाय मेर लगावगान अरू ईंग हंडाकुःआ होड़कू पइड़घावतिडिंगखन मकिदुनिया देसिंग सलावयान।

2 कुरिंती 2:3

ईंग सुनुदीबाःगोतेरा ईंग बहालगुःता हनानाः कताकूनरे अपे होँपे बहालगुःता। ईंग अपे एचेरेयिंग सेन मेला ईंग जीवपे बहालगोडता हँकुःआ होड़कू अते ईंग जीव अलो अदरुजीन। हनालगा ईंग मड़ंगाः चिठीरे नाःआ कता अपे लगायिंग ओजाःतेरा।

रूमी 12:15

बहालतेकू दोहोनता हँकुःआ होड़कू सुदा अपे होँपे बहालगुः अरू इयामतकुःआ होड़कू सुदा अपे होँपे इयाम।

1 कुरिंती 16:18

हँकुःआ होड़कू अपेराः जीवकू हड़ियाड़केरा हनन इया ईंगराः जीव होंकू हड़ियाड़गोतेरा। नाःआ इयाकुःआ होड़कूपे मान मरजइत।

2 कुरिंती 7:14

अपे बदीरे हाँय एचेरे ईंग मुरुक ईंग भल-भलायनेना। अरू अपे ईंग मेरपे गियू ओवाडिंगा। अले अपे बदीरेले कतातेरा हना जमाकून सताय दोहोना अरू हनन इया अपे बदीरे तितूस एचेरेले भल-भलायनेना हना हों सनाताय होयायान।

पिलेमोन 1:7

ने ईंगरीग मसी बोहोयिंग, आम भगवानरिकुःआ सुद होड़कूम दुलारता अरू हँकुःआ होड़कूराः जीव मुरुकमे एचे हड़ियड़गोतेडकुःआ। हनाते आम ईंगराः जीवमे बहालगोतेडा अरू ईंगराः जीवमे सलसतगोतेडा।