2 कुरिंती 7:10 - Korwa Bible

¹⁰ तोनोंगीग होड़राः जीव भगवान अगीते हुडिंग जुवाःतान दो हना हाँयराः जीव बदलावगोडता अरू हाँय सडाव जुवाःता। हनते अरू हाँयके पसताः मेर पराःता। मनदो चउंदीसरिकुःआ होड़कू अगीते तोनोंगीग होड़राः जीव हुडिंग जुवाःतान, मनदो अनँयगराः कसूरकून मेरेय कबुलाःतान दो हाँय गुनुजुःए पवाःता।

2 कुरिंती 7:10 Referans Kwoze

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

लूका 18:13

मनदो मलगुजारी गोः होड़ तोरेरेय चड़ाँनेना अरू सेरमो अगी ञेल लगा हों मेरेय चहावगान। हाँय अनँयग कुड़ोम चपाड़ घड़ीने कताया, ने भगवान, ईंग कसूर होड़ हवे। आम ईंगमे मयावा, माःआन।”

लूका 15:10

दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।

इबरानी 12:17

अपे सुसुदीता, तयोमते एसाव चहाःआ, अपांग भलावाडिंगखन ईंग जीव जहने नपायगोडता, माःआन। मनदो हना इया ओरो होया अवेकुःआ। हाँय इयाम घड़ीन अपात एचेरेय गोड़न-पइयना। हनारे हों हना हाँय मेरेय बदलाव अवेगाड।

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

मती ओजाःतेरा भगवानराः नपाय सरवन 26:75

हनन मेला पतरस ईसू हाँय एचेरेय कतातेरा हनाय उहियार अगूतेरा, कुकुड़ा कुकूड़चुः अते मड़ंग आम पेय तुरहाम आड-बेकारवायिंगता, माःआन। अरू हाँय बहरी उडुंगनेनखन गोंघाड़ोमे इयामा।

2 कुरिंती 7:9

नुँहू ईंग बहालगुःतना। अपेराः जीविंग हुडिंगतेरा हनालगा कोवान, मनदो अपे जीव हुडिंगनेना अते अपे भगवानराः ओंगोल इया जीवपे कुदाकेरा अरू अले अते अपे जीवरे तोनोंगाः हनी मेर होयागना।