2 कुरिंती 6:6 - Korwa Bible

⁶ नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

2 कुरिंती 6:6 Referans Kwoze

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

इपीसी 4:32

अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।

इपीसी 4:2

अपे जमा बेला अनँयग आँयग हुडिंग ओंगोलकियानखनपे दोहोन अरू कटराहा होड़कू अहापे होयाः। मनदो जमा बरानाः सहाव घड़ीन अलार दुलारतेपे दोहोन।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

गलातिया 3:5

ईंग अपे एचेरे अरूयिंग होंबरेतना। भगवान अपे सुद बिरुवाय ओवाडपेःआ अरू अपे तलारे बयाव जुवाः इयाःआ बुताकूने एचेकेरा। अपे नियमपे मनाः अते भगवान नाःआ जमाकूने एचेकेरा जा? कोनोवान। अपे ईसू मसीराः नपाय-सरवनपे बिसवासकेड अते भगवान नाःआ जमाकूने एचेकेरा।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 कुरिंती 11:11

अपे अते चिला लगा संघरा मेरिंग असेगाड? अपे मेरिंग दुलारपेता हनालगा जा? ईंग अपेयिंग दुलारता माःआन भगवान सुदीयताय।

2 कुरिंती 11:6

ईंग बुतुड़ु लगा नवड़िरहिया इदानिंगा हों, बेगर कनहूनते कोवायिंगा। अरू नाःआ कता बदीरे जमालेःआते अपे एचेरे नपायतेले उदुःबाःगोतेरा।

2 कुरिंती 11:4

तोनोंगीग अपे एचेरे सेनेकियानखन अले परसारकेरा हाँयग ईसू अते एटाः ईसूकू परसार दो, सहे अपे पवावनेना हाँयग सुद बिरुवा अते एटाः इयाःआ बिरुवापे पवाः दो, सहे अपे कबुलावकिया हना नपाय सरवन अते एटाः इयाःआ सरवनपे अयूम दो, अपे हना कताकून ओनोहोनपे मनाव जुवाःता।

2 कुरिंती 7:2

अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

2 कुरिंती 3:3

अलेराः सेवाते ईसू मसी ओजाःकेरा हना चिठी अँनपे हवे। अरू हना चिठी सियाहीते सहे दिरिराः पटरारे ओजाःतो कोवान, मनदो जीयत भगवानराः बिरुवाते अँननलेराः इंदरीरे ओजाःतो इदानपेःआ।

2 कुरिंती 2:4

ईंग अपे जीव अदरुजीन लगा कोवान मनदो ईंग तुमिन अपेयिंग दुलारता हना अपे सुदीगे लगा ईंग जीव मुरुक कुहकाःआ अरू खोबराःआ अते इनियाम इयाम घड़ीन हना चिठीयिंग ओजाःतेरा।

1 कुरिंती 13:4

एटाः होड़कूय दुलारता हाँयग होड़ मयादार अरू सहाव घड़ीने दोहोनता। हाँय मेरेय इरावाकूता, सहे मेरेय बड़वारता। हाँय मेरेय फुलाईता,

1 कुरिंती 2:16

भगवानराः कागदरे ओजाःतो इदा, “परबू सलाह लगा, इये हाँयराः ओंगोले सुदीकेरा?” मनदो अबू मसीराः ओंगोलबू सुदीबाःगोतेरा।

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 तिमुतियूस 4:12

ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

कुलूसी 3:12

अपे भगवानरिकुःआ सुद अरू सुनावतो निकता होड़कू इदानपेःआ। हनालगा सोगादारकू अरू देनहारकू अरू हुडिंग ओंगलुः होड़कू अरू सहाव अवेय होड़कू अरू सुधा होड़कू इया अपेराः लूर नेवन होयाः लगा इदा।

इपीसी 3:4

अरू अपे नाःआ कतापे बछाःता दो, मसी बदीरे ओकोत दोहोना हना कता ईंग तुमिनिंग बुझावकिया, हना अपेय सुदी अवेयता।

गलातिया 3:2

मीटोंग कता ईंगपे उदुःवा। अपे भगवानराः सुद बिरुवा करा इयापे पवावकिया, नियम मनावकेडखन जा, नपाय सरवन बिसवासकेडखन?

1 कुरिंती 2:4

ईंग बुतुड़ु मेला सहे सरवनिंग परसार मेला, ईंग कनहूनदार इदानिंगा हना उदुः लगा मरंग मरंग लबदरे मेरिंग कतागाड। मनदो ईंग सुद बिरुवाराः जंगरतेयिंग कता उदुःतेरा,

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।

2 तिमुतियूस 3:10

ने तिमुतियूस, ईंग करा उड़ी भगवानराः सरवन होड़कूयिंग चेडतेरा अरू ईंगराः लूर-नेवन अरू ईंगराः बिसवास अरू ईंग करा इयायिंग सहावगोड ञवना अरू करा इया होड़कूयिंग अलार-दुलारकेरा अरू करा उड़ी कटसियायिंग सहाव पारगोतेडा हना होंम सुसुदीतना।

1 तिमुतियूस 5:2

आम मरंग अइमीकू एंगाम इयाम ओंगोलकू अरू सुद ओंगोलते हुडिंग धंगड़ीकू अनम मेमेसकूताम इयाम ओंगोलकू।

कुलूसी 2:3

हनाँयग ईसू भगवानराः जमालेःआ सताय अरू कनहूने उदुःवाबूता।

1 कुरिंती 12:8

तोनोंगीग होड़ सुद बिरुवाते कनहूनराः सरवने कतायता, अरू तोनोंगीग होड़ सुद बिरुवाते बुझाःराः सरवने कतायता। मनदो नाःआ दहिनकून मिनीटोंग सुद बिरुवा एमेयता।

2 कुरिंती 1:23

भगवान ईंगरीग हिदइतदार बड़ाँवकिडिगखनिंग कतायतना, कुरिंती सहररे अपे एचेरे नुँहू वरीयिंग सेनेकुः दो अपेयिंग डंटाव अदरुजीगोडकेपेःआ।

2 कुरिंती 2:10

तोनोंगीगराः गारबारपे बराव एंडा दो, ईंग हों हाँयराः गारबारिंग बराव एंडागोडता। ईंग बराव एंडागे इयाःआ गारबार इदान दो ईंग अपेके नफा होयाः लगा मसीराः मड़ंगरेयिंग बराव एंडागोडता।

2 कुरिंती 13:10

ईंग अपे एचेरेयिंग सेन मेला कड़ कड़ाइके कताय लगा अलो पराः। हनमेला अआड लगा कोवान, मनदो ईंग भगवान एमेवारिंगा हना हातपातते तुतुला लगायिंग अवेय। हनालगा ईंग अपे अते तोरे दोहोकियानखन नाःआ इयायिंग ओजाःगेतना।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।